Hernandok Rajoyri: 'Zu ez zaitugu gogoko, baina Espainiak behar gaitu'
Antonio Hernando PSOEko bozeramaileak Mariano Rajoy hautagaiari esan dionez, "zu ez zaitugu gogoko, zure politikak ere ez ditugu maite, baina gure herria gustatzen zaigu, behar gaitu".
Espainiako presidentea aukeratzeko inbestidura eztabaidaren bigarren saioa da gaurkoa, eta taldeetako bozeramaileek dute hitza. Antonio Hernando sozialisten eleduna izan da hitz egiten lehena.
PSOEk Rajoyren inbestidura ahalbideratuko du, bigarren bozketan abstenituta. Erabaki hori azaltzen saiatu da Hernando: "Zu ez zaitugu gogoko presidente gisa, zure politikak ere ez ditugu maite, baina gure herria gustatzen zaigu, baita dugun demokrazia ere, denon artean lortu dugulako". PSOEren abstentzioak hilabeteotan egondako "blokeoa" gainditzen lagunduko duela esan du Hernandok. Haren hitzetan, herritarren arazoak ezin dira konpondu barik utzi "alderdien berekoikeriagatik". "Espainiak behar gaitu", argudiatu du.
PSOEko bozeramailearen esanetan, sozialisten abstentzioa aukera txarren artean onena da: "Egin dezakegun bakarra da, abstentzioa ala hauteskundeak". Horren ildotik, PSOEk bere historian hartu dituen beste erabaki "zail" batzuk hartu ditu ahotan Hernandok, Espainia NATOn sartzekoa, adibidez. "Herritarren interesak gure alderdiaren interesen aurretik ipini ditugu maiz, eta denborak arrazoia eman digu". Kasu honetan ere, "denborak arrazoia emango digu", betiere Hernandoren ustez.
Bozeramailearen hitzak txalotu dituzte PSOEko diputatu gehienek, ez, ordea, Pedro Sanchez idazkari nagusia izandakoak eta haren aldekoek (Cesar Luena eta Maria Gonzalez Veracruz, besteak beste).
Unidos Podemos
Pablo Iglesias Podemoseko idazkari nagusia izan da berba hartzen bigarrena, bere txanda Xavier Domenech (En Comu Podem), Alberto Garzon (IU) eta Alexandra Fernandez (En Marea) partekatu badu ere.
Iglesias, tribunara igotzen. EFE
Iglesiasek "historikotzat" jo du Podemosek hartutako jarrera, eta "benetako oposizioa" izango direla nabarmendu du. Haren berbetan, "gu ez gara makurtu, PSOEk eta Ciudadanosek egin duten bezala".
PPk, PSOEk eta Ciudadanosek "aliantza hirukoitza" osatu dutela salatu, eta "herrialde nazioanizdun honen estatu gabeko nazioak, 45 urte beherakoak, eta hiri handiak" akordiotik kanpo geratu direla deitoratu du. "Denborak bakoitza bere lekuan jarriko du", ohartarazi du Hernandoren adierazpenei erreferentzia eginda.
Iglesiasen aburuz, Kongresuan "kanpoan baino gaizkile gehiago dago", eta herritarrek protesta egiteko duten eskubidea aldarrikatu du. Une horretan Ana Pastor Kongresuko presidenteak gogorarazi dio diputatu guztien ohorea errespetatu behar duela. "Nire aberriaren eta herri honetako bizilagunen ohoreari zor diot nik errespetua, ez ganbera honi", erantzun dio Podemoseko buruzagiak.
PSOE ere ahotan hartu du alderdi morearen idazkari nagusiak, eta zuri bozkatzeagatik kritikatu du. "Aitortzea kostako bazaie ere, PPrengandik hurbilago daude", ohartarazi du.
Ciudadanos
Bozeramaile sozialistak abstentzioa justifikatzeko argudio bera erabili du Ciudadanoseko presidenteak euren baietza azaltzeko. Esan duenez, PPren gobernua ez da Ciudadaosena, eta Mariano Rajoy ez da nahi zuten presidentea, baina "egoera politikoa blokeotik atera beharra zegoen".
Riveraren hitzetan, Ciudadanos "koalizio handia"ren ?PPren, PSOEren eta Ciudadanosen artekoa? aldekoa zen, eta "harago" joan nahi zuen "ustelkeriarik gabeko gobernu baten osaketan".
Rivera, bere hitzaldiaren une batean. EFE
Babesa eman bai, baina bi alderdien artean izenpetutako akordioa betetzeko deia egin dio, eta ohartarazpena egin dio segituan: "Betetzen ez badu, honek gutxi iraungo du".
Hitzaldian, Podemos hartu du jomuga Riverak. Kongresuaren kanpoaldean larunbaterako deituta dagoen elkarretaratzea babesteagatik kritikatu du, eta gogorarazi dio estatu kolpe bakarrak Antonio Tejerok egindakoa izan zela.
PSOEri akordiora biltzeko eskatu dio Ciudadanosek.
ERC
Joan Tarda ERC alderdiak Kongresuan duen bozeramaileak Mariano Rajoyri ohartarazi dio gaur dagoen aukera bakarra "erreferenduma edo erreferenduma" dela, Kataluniako prozesu independentistaren aurrean, eta galdeketa horretan katalanek besterik ezin izango dutela parte hartu, "brexit"ari buruz Erresuma Batuko herritarrek bakarrik bozkatu zuten moduan, nahiz eta Europar Batasuna osoari eragiten dion.
"Rajoy jauna, erreferenduma edo erreferenduma. Hau da, edo hitzartutako konponbide demokratikoa edo nazioarteko araubidearen araberako konponbide demokratikoa", azpimarratu du Tardak inbestidura-saioko bere mintzaldiari ekin eta berehala.
Bere aburuz, "ez dago beste aukerarik, konponbide demokratikoa besterik ezin daiteke egon Espainiako Erreinuaren eta Kataluniaren artean". Horrez gain, PPren jarrera autoritarioa dela eta indarra eta indarkeria judiziala erabiltzen duela adierazi du.
Joan Tarda bere mintzaldian. EiTB
Zure interesekoa izan daiteke
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.