Pedro Sanchez 'gogotsu eta indartsu' dago PSOEren buru izateko
"Gogotsu eta indartsu", hala sentitzen dela dio Pedro Sanchez PSOEko idazkari nagusi ohia berriro alderdiaren buruzagitza lortzeaz. Haren ustez, "duela hiru urte —orduan aukeratu zuten idazkari nagusi— baino prestatuago dago. "Igerilekuan ura ikusten badut, ez dut hutsik egingo", erantsi du.
Kongresuan zuen eserlekuari uko egin berritan, elkarrizketa egin diote bart La Sexta telebista kateko 'Salvados' saioan. Nabarmendu duenez, Espainian barrena ibiliko da alderdikideak entzuteko eta, babesa topatuko balu, alderdiaren Idazkaritza Nagusira bueltatzeko saiakera egingo du, dagoen egoeran hori zaila dela onartu duen arren.
Aurkari nor izan beharko lukeen galdetuta, Sanchezek erantzun du Susana Diaz ere lehiara aurkeztu beharko litzatekeela; "aurkezteko erantzukizuna eta betebeharra dauka", erantsi du.
Elkarrizketan "ustez ezkerrekoak" ziren egunkari eta enpresaburu batzuen presioak aitortu ditu Sanchezek PSOEren eta Podemosen arteko gobernu akordio bat oztopatzeko bidean.
Podemos
Sanchezen ustez, PSOE eta Podemos elkar ulertu beharrean daude. Are, aitortu du Pablo Iglesiasek zuzentzen duen alderdiarekin hanka sartu zuela: "Batzorde Federalean populistatzat jo nuen Podemos. Ez nekien oso ondo zer zen. Ez nuen ulertu zenbat jende dagoen Iglesiasen atzean politika berritu nahian".
Nabarmendu duenez, mokoka ibili beharrean, PSOEk "beste ezkerrarekin, Podemosekin, ulertu beharra dauka".
Katalunia eta Euskadi nazioak dira
Kataluniako auziaz galdetuta, Konstituzioaren erreforma bozkatuta konponduko dela iritzita dago Sanchez. "Espainia nazioen nazioa da. Katalunia nazioa da Espainiako nazioaren baitan, Euskadi ere berdin. Hitz egin eta aitortu beharreko kontua da hori", adierazi du.
Azaldu duenez, PSOEren Batzorde Federalak agindutakoa bete du beti, eta, hortaz, ez du independentziaren aldekoek negoziatu, baina "elkarrizketak" egon direla aitortu du.
Horren ildoan, "bi garai" izan zirela ohartarazi du. Lehen legegintzaldian, eurekin hitz egin zuen baina jarrera "irmoa" zuten. Ekaineko hauteskundeen ostetik, ordea, adostasunerako "bideak lortzeko prest" zeuden Kataluniako independentziazaleak. Orduko hartan, "PPren alternatiba izango zen gobernua osatzeko aukera gehiago zeuden", onartu du.
Albiste gehiago politika
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregui Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen igoera aldebakarreko eta itundu gabeko baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.