Foro Soziala, Estatuko segurtasun indarren kopurua egokitzearen alde
Euskal Herrian "bake-prozesua bultzatu" nahi duten erakundeak eta pertsonak biltzen dituen Foro Sozial Iraunkorrak 2013an onartutako gomendioetako bati urgentziaz heldu behar zaiola ebatzi du. Zehazki, hamargarren gomendioan Estatuko segurtasun indarren funtzioa eta zenbatekoa egungo errealitatera egokitzea eskatzen zuen.
Foro Sozial Iraunkorrak urriaren 22an Aieten eta azaroaren 4an Iruñean antolatutako saioen ondoren, Foro Sozialeko koordinazio organoak bilera egin zuen atzo Donostian eta aipaturiko bi hitzorduen emaitza aztertu zuen.
ETAren armagabetzean, preso eta iheslarien integrazioan eta egia eta memoria babesteko bidean abian jarritakoa indartzea ere defendatu du.
Batzorde tematikoetan alderdi horiek lantzen ari diren bitartean, laugarren ardatzari (giza eskubideak bultzatzeari) eta "bereziki" hamargarrenari (Estatuko segurtasun indarren egokitzapenari) urgentziaz heldu behar zaiola hitzartu du Foro Sozialak. Halaber, estatuko segurtasun eta Polizia indarren kontrolerako mekanismoak indartu behar direla nabarmendu du, erakundeen eta gizarte zibilaren aldetik.
Alderdi politiko guztiei elkarrizketarako deia egiteaz gain, Espainiako zein Frantziako Gobernuei ETAren armagabetzea errazteko edo, gutxienez, ez oztopatzeko eskatu die.
Bestalde, Foro Sozialak kezka agertu du azken hilabete eta erdian gertatutako hainbat jazoerengatik, hala nola, Mikel Irastorza ETAko ustezko buruzagiaren atxiloketa, Altsasuko gertaerak eta presoen senideek izandako istripuak.
Horrelako gertaerak berriz ez errepikatzeko eta bake prozesua eta elkarbizitza integrala babesteko "borondateen dike bat" eraikitzeko deia egin du.
Albiste gehiago politika
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.