Eusko Jaurlaritza berriaren 11 sailburuak karguaz jabetu dira
Banan-banan, eta Iñigo Urkullu lehendakariak idatzitako izendatze-dekretua irakurri ostean, euren karguaz jabetu dira Eusko Jaurlaritza berriaren 11 sailburuak.
Ekitaldia 11:00etan hasi da, Ajuria Enea Jauregian. Gehienek euskara hutsean egin dute hitz ematea, esaldi hau erabilita: "Hartzen dudan agintea, Euskadiren zerbitzuan eta legearen arabera, zintzo eta leialki erabiliko dudala, hitz ematen dut". Sailburu sozialistek eta Bingen Zupiria Kultura sailburuak gaztelerazko esaldia erantsi diote formulari.
Sailburuak ez ezik, Eusko Legebiltzarreko Mahaiko kideak eta sailburu kargua utzi duten hiru lagunak ere izan dira hitzorduan. Ricardo Gatzagaetxeberria, Angel Toña eta Ana Oregi ez dira exekutibo berrian izango.
Lau erronka
Segidan, Iñigo Urkullu lehendakariak hartu du hitza. Esker oneko berbak izan ditu Gatzagaetxeberria, Toña eta Oregi sailburu ohientzat, eta azken lau urteetan egindako lana txalotu du. "Izan zaretelako, gara", azpimarratu du. Lantalde berriari ongietorria eman dio.
Gobernu berriak dituen berehalako zereginen artean, lau aipatu ditu Urkulluk: aurrekontu proiektua landu eta zehaztea, gobernu akordioa definitu eta osatzea, Legebiltzarreko egutegia onartzea, eta enplegua sustatzeko eta ekonomia suspertzeko plan berria aurkeztea.
"Azken urte hauetan eskarmentu eta ibilbide bat partekatu dugu taldean lan eginez. Badakigu legealdi hau erabakigarria izango dela Euskadiren etorkizunarentzat, eta izenpetu dugun akordioaren oinarrien garrantzi eta pisua dira horren lekuko", adierazi du.
Ondoren, Ajuria Eneko fatxada aurrean familia argazkia egin du Jaurlaritza berriak.
Sei gizon eta bost emakume
EAJk eta PSE-EEk izenpetutako gobernu akordioaren baitan, sozialistek hiru sail dituzte. Iñaki Arriola historikoak Ingurumena, Lurralde Politika eta Etxebizitza arloak izango ditu bere gain. Alfredo Retortillo Turismoa, Merkataritza eta Kontsumo sailburu berria izango da, eta Maria Jesus San Jose, berriz, Lana eta Justizia arloburua.
Bozeramaile ez ezik, Gobernantza Publikoa eta Autogobernu sailburu ere izango da Josu Erkoreka. Arantxa Tapia Ekonomiaren Garapena eta Azpiegiturak izeneko Sailaren buru izango da. Beatriz Artolazabal Enplegua eta Gizarte Politikako sailburu izendatu du lehendakariak, eta Pedro Azpiazu Ogasun eta Ekonomia sailburu.
Jon Darponek eta Cristina Uriartek euren ardurei eutsiko diete, hots, Osasun eta Hezkuntza sailburu, hurrenez hurren. Bingen Zupiria Kultura eta Hizkuntza Politikaren buru izango da datozen lau urteetan, eta Estefania Beltran de Herediak Segurtasun sailburu izaten jarraituko du.
Guztira, sei gizonek eta bost emakumek osatzen dute Jaurlaritza berria.
erria.
erria.
erria.
erria.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.