Altsasuko atxilotuen sendiek babesik gabe sentitzen direla salatu dute
Altsasuko istiluekin lotura dutelakoan atxilotutako gazteen senideek "babesik gabe eta gainezka eginda" sentitzen direla salatu dute Nafarroako Parlamentuan, eta Legebiltzarrari laguntza eskatu diote "ahots propioa" izatea, sumarioa Iruñera bueltatzea eta auzia "justiziaz" tratatua izatea lortzeko.
"Ez dugu indarkeria justifikatzen, baina ekintza horiek Iruñean epaitu behar direla uste dugu", nabarmendu dute.
Atxilotuen senideek agerraldia egin dute gaur Nafarroako Parlamentuan, Geroa Baik, EH Bilduk, Ahal Duguk eta Izquierda-Ezkerrak eskatuta, eta urriaren 15eko istiluen ondorioz bizitzen ari diren egoera azaldu dute. Atxilotutako gazteetatik zazpi espetxean daude eta ustezko terrorismo delitua leporatzen diete.
Senideak "Altsasuarra ta harro" plataformako ordezkariez lagunduta joan dira Nafarroako Parlamentura. Lehenik eta behin, beren egoera "larriaren" berri emateko emandako aukera eskertu dute eta erasoak ez zuela inoiz gertatu behar azpimarratu dute. "Ez dute inoiz gertatu behar, ez Altsasun eta ez beste inon", adierazi du Amaia Amilibiak, atxilotuetako baten amak.
Haren esanetan, atxilotuen errugabetasun presuntzioa urratu da; izan ere, frogatu eta epaitua izan ez dena egiatzat hartu da. "Erasotzaileez hitz egiten da, ikertuez beharrean. Ber izen, abizen, lanbidea, ikasketak eta NAN zenbakiak argitaratu dira, aldiz, gure etxeetara ez da jakinarazpen ofizialik iritsi. Hedabideen bitartez jaso dugu informazioa eta hori oso gogorra da", azpimarratu du.
Babesik gabe sentitzen direla adierazi ostean, terrorismo delitua zergatik leporatzen zaien ez dutela ulertzen esan dute. Are gehiago, ez dute ulertzen gazteak zergatik atxilotu dituzten, hain zuzen ere, deklaratzeko borondatea behin eta berriz adierazi dutenean. Ildo horretan, ez dute ulertzen gazteei ezarritako behin-behineko neurrien larritasuna, batez ere, ihes ez egiteko borondatea agertu dutenean.
Bestalde, Isabel Pozueta senideak kasua bideratzen laguntzeko eskatu dio Nafarroako Parlamentuari. Erakundeari eskerrak eman dizkio adierazpen instituzionala eskertzeagatik eta babes horrek jarraipena izango duenaren itxaropena azaldu du. Gainera, senideak alderdi politiko guztiekin elkartzeko prest agertu du dira, horien esanetan, "justiziaz hitz egiteak ez daukalako ideologiarik".
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.