Patxi Lopezek PSOE 'bateratua' eraikitzea eskatu du
Patxi Lopez PSOEren idazkari nagusi izateko hautagaiak PSOE "bateratua" eraikitzeko deia egin du gaur goizean Portugaleten egindako agerraldian. Horrez gain, barne-hauteskundeetan "amaieraraino" iristeko asmoa duela berresteaz gain, prozedura "elkarren arteko borroka" ez izateko deia egin du. Bere ustez, beharrezkoa da alderdi sozialista berreskuratzea, bestela, "Espainiako interes bakarrak eskuinarenak izango baitira".
Lopezek larunbat honetan ekin dio barne-hauteskunde sozialistetako "bidaiari" bere jaioterrian, Portugaleten, antolatutako ekitaldian. Idoia Mendia PSE-EEren idazkari nagusiaz gain, Mikel Torres PSE-EEren Bizkaiko idazkari nagusia eta Portugaleteko alkatea ere Lopezen agerraldian izan da.
Idazkari nagusi izateko hautagaitza "umiltasunez" eta "dramatismorik gabe" aurkeztu duela esan du, Europan sozialismoarentzat "garai zaila" izan arren. Estatu espainiarrean hedatutako irudiaren arabera, "gure barne-kontuetan eta elkarrekin borrokan denbora gehiegi galdu dugu, desberdintasuna areagotzen duten errezetak ezartzen ari den eskuinaren kontra aritu beharrean".
Patxi Lopezek azpimarratu duenez, prozesu honetan "amaierara arte" iristeko asmoa du, "militantziak hainbat aukeraren artean hautatzeko eskubidea duelako". Lehendakari ohiak onartu du beste hautagaitza batzuk ere aurkeztuko direla, "nahiz eta desberdinak izan, guztiak gara sozialistak". Hala, "demokrazia-eredua izatea eta heldutasun politikoa" erakustea eskatu du. Era berean, nabarmendu du: "Proiektuak, ideiak eta proposamenak alderatzeak ez du esan nahi prozesua elkarren arteko borroka bihurtu behar dela".
Susana Diazen adierazpenak
Patxi Lopezen hautagaitzaren harira, Andaluziako PSOEren presidente Susana Diazek adierazi duenez, "PSOEn ez inor dago soberan, eta alderdia baliagarriagoa izango da guztiok lagunduz gero". "Guztiok alderdikideak eta lagunak gara", jarraitu du Diazek, "eta herritarrei ilusioa itzuliko dieten pertsona gehiago behar ditugu".
Zure interesekoa izan daiteke
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Ministroen Kontseiluak datozen egunetan onartuko duen dekretuak jarraipena emango die egoera sozioekonomiko ahulean dauden familiei zuzenean eragiten dieten hainbat neurriri.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.