Patxi Lopez: 'Nire helburua erabateko sozialismoa berreskuratzea da'
Patxi Lopez lehendakari ohiak "apaltasunez" eta "dramatismorik gabe" aurkeztu du PSOEren barne-hauteskundeetarako hautagaitza, "alderdi berritua, bateratua, aurrerakoia eta ezkertiarra gidatzeaz gain, hiritarren gehiengoaren babesa jasotzeko" xedez.
Lopez sozialisten idazkari nagusi izateko lehiara aurkeztu den lehen buruzagoa da, eta gaur eguerdian aurkeztu du proiektua Diario Madrid Fundazioaren egoitzan. Begoña Gil emaztearekin iritsi da agerraldira.
"Nork bere usteak garbi defendatzeko garaia" dela berretsi du Lopezek; horrez gain, helburu nagusia "erabateko sozialismoa eta sozialdemokrazia" errekuperatzea dela gaineratu du.
Alderdiak "zuzendaritza kolektiboa" izan behar duela esan du, eta idazkari nagusiak beste arduradun batzuren babesarekin lan egingo du antolakuntza horretan. Beraz, bere iritziz, 39. Kongresua Federalak “batasunaren kongresua” izan behar du.
Era berean, maiatzean PSOEk barne-hauteskundeetan lehiatzeko bermeak biltzeko asmoa duela aipatzeaz gain, "askatasunetik jaiotako batasuna" bilatu nahi duela dio, eta ez "inposaketak agindutako berdintasuna".
Halaber, militanteei ere dei egin du, "errebelatu daitezen" eskatzeko. "Militantzia berpiztuko duela eta herrietako taldeak eztabaidaren erdigunean egongo direla" ere zin egin die.
Patxi Lopez: "Rajoyri Gobernua emateko abstenitzea akatsa izan zen"
Patxi Lopez lehendakari eta Kongresuko presidente ohiak onartu du akatsa izan zela Mariano Rajoyren inbestidura-saioan PSOE abstenitzea: "Bozkatu ostean, erabakia gure gain hartu genuen, eta horrek egiten gaitu alderdi".
PSOEren idazkari nagusi izateko hautagaitza aurkezteko emandako prentsaurrekoan, Patxi Lopezek "PSOE berritua, bateratua eta ezkertiarra" eraikitzeko aurkeztu du bere burua. Bere iritziz, PSOEk sozialismora bueltatu behar du: "Ongizate kolektibotik kanpo geratzen ari diren taldeak ordezkatu behar dira". "Indartsu nago, alderdia berreraiki eta guztiak batuta, gizartearen aurrean garden agertzeko", adierazi du.
Bestalde, proiektuan "Pedro Sanchezekin" lan egitea gustatuko litzaiokeela onartu du. Eta gaineratu duenez, erabaki honekin ez du eragotzi nahi Sanchez idazkari nagusi izateko aurkeztea.
Ondoren, atzo hitz egin zuela Sanchezekin baieztatu du. "Erabat errespetatzen" duela azaldu du, baita "gauza asko partekatzen dituztela" ere.
dituztela" ere.Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.