Lopezek PSOEren idazkari nagusi izateko hautagaitza aurkeztuko du
Patxi Lopez lehendakari eta Kongresuko presidente ohiak PSOEren idazkari nagusi izateko hautagaitza aurkeztuko du alderdiak maiatzean egingo dituen barne-hauteskundeetan, iturri sozialisten arabera.
Lopezek gaur, igandea, agerraldia egingo du 12:00etan, hautagaitza aurkeztu eta PSOEren buru izateko duen asmoa azaltzeko.
Pedro Sanchezi atzo eman zion erabakiaren berri, Madrilen egindako Batzorde Federalaren bileraren ostean, baita erkidegoetako buruzagi nagusiei ere.
Oraingoz, Susana Diaz Andaluziako presidenteak ez du hautagaitza aurkezteko asmoa duen ala ez argitu, askok aukera hori garbi ikusten duten arren. Sozialista andaluziarren buruaren hurbileko iturriek esan dutenez, hautagaitza aurkeztekotan, martxoan edo apirilean egingo du, Kongresua formalki deitzeko antolatuko duten Batzorde Federalean, hain zuzen.
Patxi Lopez, PSOE berreraiki nahi duen lehendakari ohia
Patxi Lopez PSE-EEren idazkari nagusi ohiak PSOE zuzentzeko eta berreraikitzeko asmoa agertu du orain. Historiako lehendakari sozialista bakarra izan zen, eta Diputatuen Kongresuko lehen presidente euskalduna. Pedro Sanchezi babesa erakutsi zion Mariano Rajoyren inbestiduraren aurka.
Joan den legegintzaldian Diputatuen Kongresuko presidente izan zen Ciudadanosen eta PPren babesarekin, Euskaditik Espainiako politikara urratsa eman ostean. Aurretik, 2009tik 2012ra, Lopez lehen lehendakari sozialista izan zen, PPren babesari esker.
Alderdiaren aurreko barne-hauteskundeetan Lopezen izena hedatu zen Alfredo Perez Rubalcabaren ondorengo gisa, baina orduan uko egin zion aukera horri. Orain, berriz, alderdia berreraikitzeaz gain, alderdiaren proiektua berritu eta batasuna lortzeko asmoz ekingo dio erronkari.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.