Aurrekontuen % 76 gizarte gastuetara bideratuko du Eusko Jaurlaritzak
Iñigo Urkullu lehendakariak ostiral honetan jakitera eman duenez, Eusko Jaurlaritzak 2017rako prestatu dituen aurrekontuen % 76 gizarte gastuetara bideratuko du. Aldi berean, PPk egindako eskaintza bere egin du, hau da, enplegua sortzeko xedea duten kontu errealistak "aztertzea".
Urkulluk aurrekontuak izan ditu hizpide Eusko Legebiltzarreko kontrol saioan, Alfonso Alonso EAEko Alderdi Popularreko presidenteak egindako galdera bati erantzun dionean.
Lehendakariak gogoratu duenez, Eusko Jaurlaritzak datorren asteartean onartuko ditu 2017ko aurrekontuak, eta, azpimarratu duenaren arabera, euskal jendarteak dituen "oinarrizko bi ardurei" erantzungo die: pertsonen "funtsezko" beharrizanak bermatzea eta kalitatezko enplegu aukerak sortuko dituen hazkunde "iraunkorra" ahalbidetzea.
Horren harira, aurrekontuen % 76 gizarte gastuetara zuzenduko dela nabarmendu du, eta osasunak, hezkuntzak eta babes sozialak baliabide gehiago izango dituztela.
"Proiektuak zorroztasun- eta errealismo-irizpideak errespetatuko ditu, arduratsua izango da eta honako beste hauek beteko ditu: aurrekontu-egonkortasuna, finantza-iraunkortasuna, defizita, zorra eta gastu-araudia", argitu du lehendakariak.
Bere aldetik, Alfonso Alonsok adierazi du bere alderdia aurrekontu horiek "arretaz" aztertzeko prest dagoela, Urkulluk "errealismoz" lan egiteko konpromisoa hartzen badu eta "enplegua sortzera zuzendutako" kontuak sustatzen baditu.
Lehendakariari ohartarazi dio EH Bildurekin aurrekontuak hitzartu nahi izanez gero, “populismoz eta antzinako aurreiritziz beteriko eredu baterantz” egingo duela aurrera.
Hartara, "bira" ematea eskatu dio, ekimen pribatua eta "enplegu-aukera errealak" bultzatze aldera, eta nabarmendu du PPk "bide hori egin nahi" duela.
"EH Bilduren aulkiei begiratzen ez badiezu, ez zara bakarrik egongo, eta Euskadi hazkundearen bidetik eramateko gehiengoa, ahalmena, aukerak eta erantzukizuna dituzu", esan dio lehendakariari.
Horren aurrean, lehendakariak erantzun dio begi onez jaso dituela bere "hitz egiteko modua eta seriotasunez lan egiteko konpromisoa", legegintzaldiko lehendabiziko urtea "krisialditik ateratzea" ekarriko duena izan dadin.
adin.Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.