EAJk bere alderdiko emakumeak omendu ditu egindako lanagatik
EAJk historian zehar alderdi jeltzalearen alde lan egin duten emakume nazionalistak omendu ditu gaur Bilbon, eta alderdiko "balioak, ideologia eta sentimendua" igortzeko garaian haiek izandako parte-hartzea balioetsi du.
Martxoaren 8aren bezperan (Emakumearen Nazioarteko Eguna) eta 'Izan zinetelako gara' lelopean egin du EAJk ekitaldia Sabin Etxean.
500 bat emakumek parte hartu dute hitzorduan, eta bertan izan dira, besteak beste, Eusko Legebiltzarreko eta Bizkaiko Batzar Nagusietako presidenteak, Bakartxo Tejeria eta Ana Otadui, hurrenez hurren.
Andoni Ortuzar EBBko presidentearen hitzetan, "izugarria" izan da emakume nazionalistek historian zehar "alderdiaren eta gizartearen alde" egindako lana.
Ildo beretik, nabarmendu egin du "alderdiaren ideologiaren eta sentimenduen igorle gisa" emakumeen papera. "Guri EAJ zer zen irakasten zigutenean, abertzalea izatea eta herri hau maitatzea baino zerbait gehiago zela irakatsi zeniguten, pertsona on bat izatea, eta hori zuongandik jaso dugu", esan die ekitaldian bildutako emakumeei.
Horrez gain, Ortuzarrek azpimarratu duenez, "Estatu osoan egon zen frankismoaren aurkako lehendabiziko informazio-sarea EAJko emakumeek egin zuten". "Beren senarren eta senideen bisitan espetxera joaten zirenean, informazioa eraman eta ateratzen zuten, gerora munduan zehar zabaltzen zena, Frankismoak egindako ankerkerien berri emateko asmoz".
Itxaso Atutxa
Bere aldetik, Itxaso Atutxa Bizkaiko Buru Batzarreko presidentearen aburuz, emakumeek "berebiziko garrantzia izan dute EAJ alderdiaren barruan, bai balioak igorri, bai idealei eusteko garaian", baina beste ororen gainetik EAJ alderdiaren proiektu nazionalari "gizatasuna aitortu" diotela nabarmendu du.
Bere ibilbide pertsonala gogora ekarri ostean, Atutxak adierazi du emakumea "dagokion lekua" betetzen joan dela alderdiaren barruan, eta, nabarmendu duenez, horrela egiten jarraituko du, "gero eta presentzia gehiagorekin". "Anitza eta berdintasunezkoa den erakunde baten kide garen heinean, gure gain hartuko dugu dagokigun papera".
Albiste gehiago politika
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.