Poliziaren biktimen euskal legea babestu du NBEko aditu batek
Biktimen erreparaziorako Euskadiko 12/2016 Legea, Poliziaren gehiegikerien biktimen legea izenarekin ere ezagutzen dena, nazioarteko zuzenbidearekin bat datorrela ondorioztatu du Fabian Salvioli Nazio Batuen Erakundeko Giza Eskubideen Batzordeko presidente ohiak. Salviolik legearen inguruko txostena egin du, eta ondorioak aurkeztu ditu Lehendakaritzan, Manu Lezertua arartekoarekin, Jonan Fernandez Jaurlaritzako Giza Eskubideen, Bizikidetzaren eta Lankidetzaren idazkari nagusiarekin eta Iñigo Urkullu lehendakariarekin egindako bileran.
Eusko Legebiltzarrak 2016ko uztailean onartu zuen Poliziaren gehiegikerien biktimen legea, EAJren eta PSE-EEren botoekin. EH Bilduk zuri bozkatu zuen, eta PPk eta UPyDk, kontra.
Euskal Autonomia Erkidegoan (EAE) 1979tik 1999ra bitartean motibazio politikoko indarkeria-egoeran izandako giza eskubideen urraketen biktimak aitortzea eta biktima horiei ordaina emateko jaio zen legea. 2012an Patxi Lopezen gobernuak bultzatutako dekretu baten jarraipena zen.
Mariano Rajoyren Gobernuak Legearen kontrako helegitea aurkeztuko zuela iragarri zuen. Espainiako Gobernuaren esanetan, legea Konstituzioaren kontrakoa da, eta Estatuaren hainbat eskuduntza urratzen ditu. Dena dela, gobernu zentralak ez du oraindik helegitea aurkeztu, eta maiatzaren 10erako hitzartuta duten alde biko bileran adostasuna lortzeko itxaropenarekin.
Nazioarteko zuzenbidearekin bat, "zalantzarik gabe"
EAEko agintariekin egindako bileraren ondotik, agerraldia eskaini du NBEko adituak Jonan Fernandez Bakea eta Bizikidetzarako idazkariarekin batera.
Salviolik azaldu duenez, Legebiltzarrak onartutako legea "nazioarteko zuzenbideak, nazioarteko babes erakundeek eta giza eskubideen urraketen biktimen erreparazioko gaietan ondutako estandarrek zehaztutako noranzkoan doa bere osotasunean".
Txostenaren arabera, Legea bat dator "nazioarteko araudi eta erabakiekin", eta "giza eskubideen urraketei buruz dagoen nazioarteko jurisprudentzia" errespetatzen du.
"Ezarritako jurisdikzio, denbora esparru, pertsona onuradun, ekintzarako printzipio eta prozedurei" dagokienez, adituak ondorioztatu du Legeak "nazioarteko erakundeek erreparazio gaietan erabakitako araudi eta ebazpen guztiak" betetzen dituela.
Adituaren ustez, "salbuespenik gabe erabat indarrean sartuta, ez dago zalantzarik 12/2016 Legeak, bere xede eta helburuaz behar bezala aplikatzean, giza eskubideen gaineko Estatuaren betebeharrak ikuskatzen dituzten nazioarteko erakundeen balorazio oso ona jasoko duela".
Eginahalak helegitea saihesteko
Jonan Fernandez Bakea eta Bizikidetzarako idazkari nagusia mintzatu da ondoren. Iragarri duenez, Jaurlaritzak "eskura duen guztia" egingo du Espainiako Gobernuaren helegitea saihesteko. Haren iritzian, Salvioliren txostenak bide horretan lagunduko du.
Fernandezek gogorarazi duenez, hainbat aditu "inpartzialek" babestu zuten legea izapide parlamentarioak iraun zuen artean, eta azken txosten honek orain arte esandako guztia baino ez du baieztatzen.
Bakea eta Bizikidetzarako idazkari nagusiaren berbetan, biktimen nagusitasun printzipioa "eztabaidaezina" da eta "balio pedagogiko sakona" du oroimenerako eta bizikidetzarako.
Horren ildoan, "giza eskubideen urraketen biktima guztien erreparazioaren bidea elkarrekin egiteko" deia egin dio Fernandezek Espainiako Gobernuari, "baita estatuaren botere gehiegikerien edo indarraren erabilera desegokiaren ondoriozko biktimena ere”.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.