Jordi Pujol Ferrusola bermerik gabe kartzelara bidali du epaileak
Jordi Pujol Ferrusola baldintzarik gabe espetxera bidali du Jose de la Mata Auzitegi Nazionaleko epaileak, Pujol familiaren ondarea ikertzen hasi ondoren ere 30 milioi euro ezkutatu zituela jakin ostean. Epailea Pujol familiako hainbat kide ikertzen ari da, zerga ihesa eta kapitala zuritzea leporatuta. De la Mataren arabera, espetxeratzea ezinbestekoa da ikerketarekin jarraitzeko.
Aurrez, Ustelkeriaren kontrako Fiskaltzak, Estatuko Abokatutzak eta auzian herri akusazio gisa aurkeztu den Podemosek Pujol Ferrusolaren espetxeratzea eskatu dute, frogak suntsitzeko eta delituak berriro egiteko arriskua dagoela iritzita.
Delitu ekonomikoak ikertzen dituen Poliziaren (UDEF) txostenak erreparatuta, "bertsioak eta koartadak prestatzeko eta auziaren esku froga berriak ez uzteko helburuz", harremanak izaten jarraitzen zuen familiako kideekin, lagunekin eta hainbat pertsonarekin.
Halaber, autoaren arabera, denbora horretan hainbat operazio egiten jarraitu du —kontabilitateari, kontratu eta sozietateei, mailegu eta zorrei lotutakoak— guztia ezkutatzeko eta epaitegien eskumenetik kanpo uzteko. De la Mataren esanetan, Pujolen seme zaharrenak kapitalak zuritzeko, horiek Espainiatik ateratzeko eta aberriratzeko eskemari eusten dio.
Gaineratu duenez, beste herrialde batzuetako "testaferro" batzuekin (Mexiko, AEB eta Argentina, kasu) zuzeneko harreman etengabea izaten jarraitzen du. Hori dela eta, frogak eta zantzuak ezkutatzeko eta ikerketa zaildu nahi duela iritzi dio epaileak.
Egoera hori tarteko eta fiskalaren eskariz, eskuko telefonoa blokeatu eta kendu dio epaileak Jordi Pujol Ferrusolari.
Epailearen aurrean egindako deklarazioan, ukatu egin du dirua ezkutatzen jardun duenik. Bestalde, haren espetxeratzea eskatu dutenean, Pujol Ferrusolari egozten zaizkion operazioak 2015a baino lehen egin zirela —kontu korrontean 25 milioi euro blokeatu aurretik— adierazi du haren defentsa abokatuak.
Auzitegi Nazionaletik aterata, Soto del Realgo kartzelan sartuko dute.
Zure interesekoa izan daiteke
Demokraziaren aldeko borroka pil-pilean zebilen Euskadin Franco hil aurreko urteetan
Frankismoaren azken urteetan Euskadiko kaleetan bizi zen tentsio handia gogora ekarri dute Ramon Jauregui sozialistak, Tasio Erkizia ezker abertzaleko militante historikoak eta Gorka Knörr EAko eurodiputatu ohiak.
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".
50 urte Franco gabe: honelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen, Espainia krisi politiko zein sozial sakon baten erdian zegoenean.
Lehendakaria Parisera joango da Frantziarekin lankidetza instituzionala eta kulturala sendotzera
Bisita ofizialean, azaroaren 18an eta 19an, bilera politiko, akademiko eta kulturalak egingo ditu. Etxepare Institutuaren 15. urteurrena ospatzeko ekitaldiarekin amaituko du bidaia, Frantziako Liburutegi Nazionalean.
Frankismoa garai iluna izan zen euskararentzat, debeku eta jazarpen urteak izan ziren eta
Francok debeku ugari ezarri zituen arren, ikastolak sortu ziren euskarari bultzada emateko, ezkutuan bazen ere. Demokraziarekin batera, oztopoei aurre egin, eta ordura arte debekatutako ekimenak martxan jartzea lortu zuten. 1976ko martxoan eginiko “24 orduak euskaraz” ekimena horietako bat izan zen.
Peinado epaileak artxibatu egin du 'Begoña Gomez kasuan' inputatutako Moncloako goi-kargudunaren kontrako auzia
Judith Gonzalez Espainiako Gobernuko Lehendakaritzako idazkari nagusiaren aurkako inputazioa kentzea erabaki du epaileak, igande honetan deklarazioa hartu ostean.