Fiskaltzak Jordi Pujol Ferrusola bermerik gabe kartzelaratzea eskatu du
Ustelkeriaren kontrako Fiskaltzak Jordi Pujol Ferrusola bermerik gabe kartzelan sartzea eskatu du. Kataluniako presidentearen semeak lau orduz deklaratu du Auzitegi Nazionalean, 2012az geroztik 30 milioi euro ezkutatzea leporatuta.
Epaitegietako iturriek jakinarazi dutenez, Estatuko Abokatutzak eta Pujol auzian herri akusazio gisa aurkeztu den Podemosek ere Pujol Ferrusolaren espetxeratzea eskatu dute. Orain, Pujol auziko Jose de la Mata epailearen gain dago azken erabakia. Kartzela eskaeraz gain, Pujol Ferrusolari gailu elektroniko guztiak kentzea —eskuko telefonoak eta tabletak— eskatu dute Belen Suarez eta Fernando Bermejo fiskalek. Epaileak aipaturiko bi fiskalen eskaria onartu du eta, ondorioz, eskuko telefonoa blokeatu eta kendu diote akusatuari.
Jordi Pujol Ferrusolak lau orduz deklaratu du gaur De la Mata epailearen aurrean, Pujol familiaren ondarearen jatorria argitzeko irekitako auzian. Familia ikertzen hasi ondoren ere, dirua Espainiatik atera eta atzerrian ezkutatu izana leporatzen die Udef Delitu Ekonomikoen Poliziak Jordi Pujol Ferrusolari eta haren emazte den Merce Gironesi.
Auzitegi Nazionalean deklaratzen duen hirugarren aldia izan da. 2016ko otsailean hiru ordu eta erdiz deklaratu ostean, Espainiatik irteteko debekua ezarri zion epaileak Pujol Ferrusolari. Halaber, pasaportea kendu eta astean behin epaitegian agertzeko betebeharra ezarri zion.
Horren aurretik, bitartekari lanak egiteagatik jasotako 11 milioi eurorengatik azalpenak eman behar izan zituen. Halaber, ustez, dirua zuritzeko sortutako egituragatik eta Pujol familiak Andorran zuen dirutzagatik ere ikerketapean dago. Pujol sendiak ezin izan du familia ondarearen jatorria frogatu, nahiz eta herentzia baten bitartez lortutakoa dela adierazi.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.