PPk dio Eusko Jaurlaritzak bazekiela legea errekurrituko zutela
Anton Damborenea Bizkaiko PPko presidentearen eta parlamentariaren esanetan, Eusko Jaurlaritzak "orain dela sei hilabete" zekien Rajoyren Exekutiboak Poliziaren 1978 eta 1999 urteen arteko Biktimen Euskal Legea errekurrituko zuela. Mariano Rajoyren Gobernuak legea errekurritzeko hartutako erabakiaren inguruan hitz egin du Damboreneak Radio Euskadin.
Eusko Legebiltzarrak 2016ko uztailaren 28an onartutako legeak "arrazoi beragatik errekurritutako beste dekretu batean aurrekariak" dituela gogoratu du Damboreneak. Orduan, epaitegiek Espainiako Gobernuaren aldeko erabakia hartu zuten.
Halaber, aipatu duenaren arabera, lege proiektuaren zirriborroa aurkeztu zutenean, "legez kanpo zeuden hainbat artikulu zehaztu zituen Estatuko Abokatutzak bi txostenetan". Dokumentuetan arrazoitu zuenez, artikulu horiek "epaileen lana ordezkatuko lukete".
Ondoren, "helegiteak aurrera" egingo duela ziur dagoela azpimarratu du Damboreneak. "EAJk urtarriletik daki helegitea aurkeztuko zela", gaineratu du.
EAJren iritziz, errekurtsoa "albiste txarra eta tamalgarria" da politikoki
Joseba Egibar EAJk Eusko Legebiltzarrean duen bozeramaileak Radio Euskadin azaldu du legea errekurritzeko erabakia "albiste txarra eta tamalgarria" dela politikoki, "larria" izateaz gain.
EH Bilduk uste du "EAJrekin salerosketan aritzeko kromoak" biltzen ari dela PP
Bestalde, Iker Casanova EH Bilduko parlamentariak uste du "EAJrekin beste negoziaketaren batean salerosketan aritzeko kromoak" biltzen ari dela PP. Casanovaren aburuz, "elkar trukatzeko osagai gehiago pilatzen ari da Rajoyren Exekutiboa, etorkizuneko hauteskundeetan EAJrekin akordioa bermatzeko".
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.