Idoia Mendiak PSE-EEko buru izaten jarraitzeko hautagaitza aurkeztu du
Idoia Mendia egungo PSE-EEko idazkari nagusiak alderdiko buru izaten jarraitzeko bere hautagaitza aurkeztu du gaur Bilbon, duela hiru urte hasitako "eraberritze prozesuari" segida emateko eta "eremua irabazteko" asmoz. Ildo horretan, esparru lokalean arreta jartzearen aldeko apustua egin du, "ezkerrarentzat alkatetzat irabazteko" eta "politika berriro ere kalera eramateko".
Euskal Autonomia Erkidegoko sozialistek ekainaren 19an irekiko dute hautagaitzak eta bermeak aurkezteko epea, eta uztailaren 9an aukeratuko dute idazkari nagusi berria. Oraingoz, egungo idazkari nagusiaz gain, Unai Ortuzar Lemoako zinegotzi ohiak soilik agertu du hauteskundeetan parte hartzeko asmoa.
Mendiak Patxi Lopezen tokia hartu zuen 2014an, idazkari nagusi karguan. Gudarien omenezko Artxandako monumentuaren aurrean gaur egin duen aurkezpenean adierazi duenez, duela hiru urte PSE-EEko buru izateko "aurrerapauso" bat ematea erabaki zuen, "ziurgabetasunez beteriko testuinguru batean". Haren hitzetan, hiru urte geroago, sozialistak "Euskadiko gobernu guztien gobernagarritasunean" parte hartzen ari da.
Azaldu duenez, duela hiru urte hasitako prozesua "ez da oraindik amaitu", eta alderdiko buru izaten jarraitzeko indarra sentitzen du. "Gaur, umiltasunez, baina nire usteetan sendo, zuen babesa eskatzen dizuet lan horrekin jararitzeko", gaineratu du.
Bestalde, "borroka nazionalean tematuta" egon ostean, "bertako jarduera" hizpide hartzeko unea dela adeirazi du. Horren esanetan, PSEk egiturak berrituta izan beharko ditu eta proiektu argia eta zehaztua izan behar du 2019ko udal hauteskundeetarako.
Unai Ortuzarrek hauteskundeak bertan behera utzi nahi ditu
Bestalde, Unai Ortuzar aurre-hautagaiaren zerrendak hauteskunde primarioak bertan behera uztea eskatu dio PSOEri.
Horren ildotik, PSE-EEren Batzorde Nazionala "urgentziaz" deitu izana zalantzan jarri du. Abalak biltzeko epea 10 egunekoa izatea ere kritikatu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.