EH Bilduren ustez “eskandalagarria” da torturaren inguruko txostenari buruz egon den "isiltasuna" eta "pintaketa bat” horren azkar gaitzestea
Asteburuan Azpeitian gazte bat pintaketa bat egiteagatik identifikatu ostean izandako istiluen aurrean, Arkaitz Rodriguez koalizio abertzaleko Ekintza Politikoko idazkariak arduradun politikoak eta hedabideak kritikatu ditu, NBEko Giza Eskubideen Batzordeak Espainiako Estatuari tortura delituaren definizioa nazioarteko estandarretara egokitzeko eskatu ondotik, "isilik" daudelako.
Azpeitian agenteek isuna jarri zioten gazteak egindako pintaketa.
EH Bilduren ustez, "eskandalagarria" da iragan astean torturaren harira NBEk plazaratutako txostenaren aurrean politikarien eta komunikabideen aldetik egon den "isiltasuna". "Salaketa hain larria" izanik, harrigarritzat jo du koalizio abertzaleak albistea oharkabean igarotzea, eta, aldiz, Azpeitian egindako pintaketa baten harira izandako istiluen inguruan hainbesteko arrabotsa atera izana.
Arkaitz Rodriguez EH Bilduko Ekintza Politikoko idazkariak uste du Nazio Batuen Erakundearen txostena "sekulako kolpea" dela Espainiako estatuarentzat, bertan islatzen den errealitateak "agerian utzi duelako estatuak indarkeria" erabili duela Euskal herrian, hori ukatzen dutenen errelatoa gezurtatuz.
Prentsaurreko batean adierazi du "ezkerreko independentismoak aspaldian salatutakoa" jasotzen duela dokumentu horrek, alegia, "herri honetan gutxienez 5.349 lagun izan direla torturatuak azken 60 urteetan".
NBEaren txostena oso garrantzitsua eta historikoa da, herri honetan aski ezaguna den zerbait baieztatzen duelako
Horrekin batera nabarmendu du iragarpen horrek "tortura herri honetan erabat zigorgabea izan dela" ere berresten duela. Rodriguezen ustez, "hori Europako edozein herrialdetan eskandalua litzateke eta dimisioetarako bidea emango luke. Estatu espainiarrean, ordea, ez".
Zentzu horretan, igande goizaldean Azpeitian pintaketa baten harira sortu ziren istiluak lau haizetara zeinen azkar zabaldu diren azpimarratu du, eta duela lauzpabot egun NBEak kaleratutako txosten horren inguruan inork txintik ere esan ez izana salatu du.
Nazio Batuen Giza Eskubideen Batzordeak txosten bat kaleratu zuen joan den ostiralean, eta tortura delituaren definizioa nazioarteko estandarretara egokitzeko eskatu zion Espainiako Estatuari.
Txosten hori "oso garrantzitsua eta historikoa da, Rodriguezen ustez, "herri honetan aski ezaguna den zerbait baieztatzen duelako"; izan ere, ezkerreko independentismoak maiz salatu izan du tortura "praktika sistematikoa" izan dela eta errealitate horrek "erabateko zigorgabetasuna izaten jarraitzen duela".
Zure interesekoa izan daiteke
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.