Estrasburgok arrazoia eman die Atutxa, Knorr eta Bilbaori
Bederatzi urtera etorri da erabakia. Europako Giza Eskubideen Auzitegiak Espainia zigortu du Atutxa auzia dela eta. Gorenak Juan Mari Atutxa Eusko Legebiltzarreko presidente eta Kontxi Bilbao eta Gorka Knorr Mahaiko kide ohien kontra zabaldutako auzian akusatuei euren burua defendatzeko aukerarik ez emateagatik zigortu dute Espainia.
2008an desobedientziagatik zigortu zituen Gorenak, Sozialista Abertzaleak talde parlamentarioa ez desegiteagatik. Bost urte geroago zigor hori berretsi zuen Auzitegi Konstituzionalak. Bidezko epaiketa bat izateko eskubidea urratu zitzaiela argudiatuta, Estrasburgora jotzea erabaki zuten Atutxak, Bilbaok eta Knorrek 2014an, eta gaur etorri da auzitegiaren erantzuna.
Batasunaren ilegalizazioa (2003) du iturburu auziak. Sozialista Abertzaleak (SA) Batasunaren ondorengo zela argudiatuta, taldea desegiteko agindua eman zion Auzitegi Gorenak Eusko Legebiltzarri. Ganberako Mahaiak, ordea, agindua ez betetzea erabaki zuen, hala egitekotan Legebiltzarreko araudia urratuko lukeela ulertuta. Desobedientzia delitua egotzita, Gorenak Atutxa, Bilbao eta Knorr zigortu zituen: 12-18 hilabeteko gaitasungabetzea eta 12.000 eta 18.000 euroko isuna ezarri zien.
Gorenak ez zituen akusatuak entzun
Estrasburgoko Auzitegiak gaur emandako ebazpenaren arabera, Giza Eskubideen Konbentzioaren 6.1 artikulua urratu zuen Espainiak. Hau da, ez zien akusatuei bidezko epaiketa bat bermatu, ez baitzien euren burua defendatzeko aukerarik eman.
Hala, Espainiak euro bana ordaindu beharko die Atutxari, Bilbaori eta Knorri egindako kalte moralagatik (eurek eskatutako kopurua da), eta 600 euro, prozesuaren gastuengatik.
Europako Giza Eskubideen Auzitegiak uste du Gorenak "dedukzioa erabilita eman zuela epaia, akusatuen arrazoiak entzun gabe. Akusatuek ez zuten aukerarik izan desobeditzeko asmorik ez zutela azaltzeko". Horren harira, EAEko Auzitegi Nagusiak eta Auzitegi Gorenak emandako epaiak alderatu ditu Estrasburgok. Atutxaren, Bilbaoren eta Knorren azalpenak entzun eta gero, hirurak absolbitu zituen EAEko Auzitegi Nagusiak. Gorenak, berriz, ez zuen saiorik egin, eta "egoera subjektiboak" baliatuz eman zuen epaia.
Estrasburgok gogorarazi duenez, Auzitegi Konstituzionalak berretsi egin zuen Gorenaren epaia, baina hiru epailek boto partikularra eman zuten, akusatuek bidezko epaiketa bat izateko aukerarik ez zutela izan nabarmentzeko.
Erabakia aho batez hartu dute epaileek. Hiru hilabeteko epea du orain Espainiako Gobernuak helegitea aurkezteko.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.