Atutxa, Legebiltzarraren duintasuna zapaltzen utzi ez dutelako harro
Juan Mari Atutxa Eusko Legebiltzarreko presidente ohia "oso pozik" agertu da Estrasburgoko Auzitegiak Espainia zigortzeko hartutako erabakiarekin. Halaber, harro mintzatu da 14 urtean Legebiltzarraren duintasuna zapaltzen utzi ez dutelako.
Estrasburgoren erabakiaren berri jaso ondoren, Andoni Ortuzar EBBko presidenteak, Juan Mari Aburto Bilboko alkateak, Unai Rementeria Bizkaiko ahaldun nagusiak eta beste hainbat buruzagi jeltzalek harrera egin diete Eusko Legebiltzarreko presidente ohiari eta haren emazteari Sabin Etxearen kanpoaldean.
Kazetarien aurrean egindako agerraldian, 14 urteotan bizitako "bidegabekeria" salatu du: "Manipulazio eta gehiegikeria latz baten biktima izan ginen". "Gauza oso larriak gertatu izan dira herri baten borondatetik jaiotako parlamentu bat belauniko jartzea helburu", adierazi du. Dena den, 2003an egindakoa berriro egingo lukeela ziurtatu du.
Legebiltzarreko presidente ohiak azaldu duenez, gaur goizean Kontxi Bilbao eta Gorka Knorr gainerako bi akusatuekin hitz egin du, eta baita auzia birritan artxibatu zuen Euskadiko Auzitegi Nagusiko Manuel Maria Zorrilla presidentearekin ere.
Gorka Knörr, bere aldetik, gustura agertu da ebazpenarekin, eta "urte hauetan" jasotako babesa eskertu du.
Erreakzioak
Iñigo Urkullu lehendakariak azpimarratu du "eredugarria" izan zela hiruen jokabidea, eta "errekonozimendu instituzional, politiko eta pertsonala" merezi dutela.
Legebiltzarreko egungo presidenteak, Bakartxo Tejeriak, zorionak eman dizkie hiru akusatuei, eta gogorarazi du beti defendatu dutela errugabetasuna "Legebiltzarrak beste botere batzuen aurrean duen autonomia defendatu" dutelako.
Imanol Lasa Gipuzkoako Aldundiaren bozeramaileak esan du ebazpenak agerian uzten duela "politika judizializatzeak edo justizia politizatzeak giza eskubideak kaltetzen" dituela.
Eusko Alkartasunaren arabera, berriz, ebazpenak erakusten du "Espainiako Justizia kolpeka eta erabaki politikoen arabera" mugitzen dela "Euskal Herriko gatazka politikoarekin zerikusia duen guztian".
"Atutxa auzia"
Europako Giza Eskubideen Auzitegiak Espainia zigortu du, Juan Mari Atutxa Eusko Legebiltzarreko presidente ohiaren eta Kontxi Bilbao eta Gorka Knorr Mahaiko kide ohien kontra zabaldutako auzian akusatuei euren burua defendatzeko aukerarik ez emateagatik.
2008an desobedientziagatik zigortu zituen Gorenak, Sozialista Abertzaleak talde parlamentarioa ez desegiteagatik. Bost urte geroago zigor hori berretsi zuen Auzitegi Konstituzionalak. Bidezko epaiketa bat izateko eskubidea urratu zitzaiela argudiatuta, Estrasburgora jotzea erabaki zuten Atutxak, Bilbaok eta Knorrek 2014an, eta gaur etorri da haren erantzuna.
Estrasburgoko Auzitegiak ezarritako zigorraren arabera, Espainiak euro bana ordaindu beharko die Atutxari, Bilbaori eta Knorri egindako kalte moralagatik (eurek eskatutako kopurua da), eta 600 euro, prozesuaren gastuengatik.
Erabakia aho batez hartu dute epaileek. Espainiako Gobernuak hiru hilabeteko epea du orain helegitea aurkezteko.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.