Gure Esku Dago: 'Nafarroak erabakiaren bideari ekin dio'
Gure Esku Dago erabakitzeko eskubidearen aldeko plataformak herri-galdeketak egin ditu igande honetan Nafarroako 24 udalerritan, erabakitzeko eskubideari eta estatus politikoari buruz galdetzeko. Parte-hartzea % 28,73koa izan da.
Guztira, 16 urtetik gorako 27.095 herritarrek zuten Gure Esku Dagok antolatutako galdeketetan bozkatzeko eskubidea. Egunean zehar, Nafarroako lau eskualdetako 7.781 lagun joan dira botoa ematera.
Gure Esku Dagok zabaldutako datuen arabera, parte-hartzea % 28,73koa izan da, eta eskualde hauetako herritarrek izan dute bozkatzeko aukera: Bortziriak (% 26,69), Imotz-Basaburua (% 37,62), Mendialdea (% 39,56) eta Sakana (% 23,65).
Lau eskualde horietan egindako galdeketen emaitzak herriz herri zenbatzen dituzten bitartean, ?Nafarroak erabakiaren bideari ekin dio?, nabarmendu dute antolatzaileek. Ildo horretatik, 7.781 herritarrek ?burujabe izateko borondatea erakutsi? dutela azpimarratu dute ohar baten bidez.
Gure Esku Dagok azaldu duenez, urtebeteko ?prozesu luzearen ondoren?, Nafarroako herritarrek euren etorkizun politikoaren inguruan erabakitzeko hitza hartu dute. Hala, ?prozesu parte-hartzaile eta bateratzailea? garatzeko asmoz, herritarrei zuzenean galdetu dietela esan du herri-plataformak.
Balorazio positiboa
Nafarroan ere, ?erabakiaren bideari ekiteko borondatea eta konpromisoa? dagoela nabarmendu dute antolatzaileek. Hori dela eta, aurrerantzean ere lanean jarraituko dutela jakinarazi dute, ?Euskal Herrian erabakia libre eta demokratikoki gauzatu dadin?.
?Euskal Herri osoan herritarrek bozkatu nahi dutela erakutsi? nahi dute galdeketen antolatzaileek, eta, gaurko emaitzak ikusita, balorazio bereziki positiboa egin du Zelai Nikolas Gure Esku Dagoren bozeramaileak. Gainera, antolatzaileak pozik agertu dira 27.000 lagunek baino gehiagok euren iritzia emateko aukera izan dutelako, eta ?egun historikoa? izan dela esan dute.
Hala, aurrerantzean ere, Nafarroako herritan galdeketa gehiago egingo dituztela iragarri du Gure Esku Dagok, eta hiri handietan ere herritarrei bozkatzeko aukera eman nahi dietela berretsi dute.
Galdeketa egin duten herri guztietan jai giroa izan da nagusi. Argazkia: Gure Esku Dago (Flickr).
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.