Urkullu eta Sanchez, 'plurinazionaltasuna' jorratuko duen ereduaren alde
Iñigo Urkullu lehendakariaren, Andoni Ortuzar EBBko presidentearen, Pedro Sanchez PSOEko idazkari nagusiaren eta Idoia Mendia PSE-EEko buruaren arabera, "Estatu ereduari buruzko hausnarketa partekatu eta lasaia egin behar da, Estatuaren plurinazionaltasunean sakonduko duen lurralde egitura berri bat emaitzatzat izango duena".
Aipatu laurek bi ordu iraun duen bilera izan dute ostegun honetan Gasteizen, Lehendakaritzan. Bilera horren bukaeran EAJ eta PSEk osatzen duten koaliziozko Gobernuari buruzko "balorazio positiboa" egin dute. Horrez gain, PSOEk bere gain hartu du alderdi horiek biek beren gobernu-programan hartutako konpromisoak Madrilen defendatzeko ardura, baita testuan jasota dauden eta oraindik jasotzeke dauden eskuduntzak ere.
Harreman "oparoa"
Lehendakaritzara sartu aurretik Sanchezek esan duenaren arabera, Urkullurekin biltzeko arrazoia da PSOEren buru izan zeneko aurreko etapan lehendakariarekin zeukan komunikazio "oparoa" berriro martxan jartzea, baita EAJren babesa lortzea ere, PSOEri laguntza eman diezaion Kongresuan azpibatzorde bat irekitzeko asmoan, Konstituzioa erreformatze aldera.
Erreforma horrekin sozialistek Estatu eredu berri bat sendotu nahi dute, "Espainia nazioz osatutako nazioa" dela jasoko duena, "Espainiari egonkortasun politikoa emateko asmoz".
Bilera bukatu ostean Lehendakaritza eta PSOE bat etorri dira Estatu ereduari buruzko "hausnarketa partekatu eta lasaia" egitearekin, zeinaren emaitza "Estatuaren plurinazionaltasunean sakonduko duen lurralde egitura berria" izango den.
EAJko iturriek zehaztu dutenez, Estatu eredu berri bat erdiesteko eztabaidari ekitea alderdi horren aldarrikapen historikoa da, baina ohartarazi dute zuhurtziaz jokatuko dutela, ez baitaude ziur hori lortzeko bide egokiena Konstituzioa erreformatzea ote den; alabaina, aukera hori ez dutela guztiz baztertzen gaineratu dute.
EAJren esanetan, Estatu eredu berri bati buruzko eztabaida irekitzea da lehentasuna, eta Konstituzioaren erreforma aurretiaz adostutakoa jasoko lukeen "tresna" litzateke. Horrez gain, Sanchezek Kongresuan azpibatzorde bat eratzeko babesik ez diela eskatu argitu dute.
Eusko Jaurlaritzak eta Espainiako Gobernuak hitzartutako Kupoaren Legeari dagokionez, EAJko iturriek azaldu dute PSOEko buruak ez diela baieztatu bere taldeak akordio horren alde bozkatuko ote duen Kongresuan; dena dela, babestuko egingo duela sinetsita daude.
Topaketan espetxe-politikaz ere mintzatu dira, eta guztiek uste dute legeak ematen dituen aukeren barruan ETAko presoen gizarteratzeari heldu behar zaiola, "gizartearen egoerarekin bat datorren era batean".
"Balorazio positiboa"
Azkenik laurek jo dute positibotzat EAJk eta PSE-EEk osatzen duten koaliziozko gobernua, akordio horretan jasotako helburuak betetzen ari direla uste baitute, eta "Euskadiko egoera ekonomikoa eta politikoa positiboa" dela uste baitute.
Halaber, "politika publikoak indartzea" beharrezkoa dela irizten diote, batez ere osasunaren, hezkuntzaren eta gizarte babesaren alorretan.
aren alorretan.Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.