Rementeriaren aburuz, 'bada garaia' soldatak igo eta enplegua hobetzeko
Unai Rementeria Bizkaiko ahaldun nagusiak gaur esandakoaren arabera, "bada garaia" langileek krisi garaian galdutako erosteko ahalmena berreskuratzeko, "horrela behar duelako izan". Horrez gain, "enpleguaren kalitatea hobetzeko" unea ere badela gaineratu du.
San Ignazio eguna dela eta Bizkaiko Foru Aldundiaren harrera ekitaldian egon da ahaldun nagusia, beste 500 gonbidatu ingururekin batera, tartean Iñigo Urkullu lehendakaria.
Bere mintzaldian zehar, Rementeriak nabarmendu du egungoa "ilusiorako" garaia dela Bizkaian, "sekula ez garelako horren ondo egon: bakean, enplegua sortzen, erakundeetan egonkortasuna izanik eta segurtasunez bizitzen".
Rementeriaren ustez, bizi kalitate hori hobetzeko aukera dago "inor atzean utzi gabe", eta batera lan egitearen alde azaldu da, "ezinbesteko" beste erronka batzuk erdiesteko, besteak beste, "kalitatezko eta ondo ordaindutako enplegua".
Defendatu duenez, soldaten erosteko ahalmena berreskuratzea ekonomiaren susperraldia "sendotuko" du; gainera, bere iritziz, "bada garaia langileei beren esfortzua itzultzeko bidezkoa, proportzionala eta hitzartua den igoerarekin, inongo enpresaren bideragarritasuna arriskuan jarri gabe".
Ekonomiaren garapen onaren adibide gisa, Rementeriak adierazi du Bizkaian duela hiru urte baino 20.000 langabe gutxiago daudela, eta langabezia-tasa % 17,2tik % 12,2ra jaitsi dela.
Bere esanetan, 2017. urtea 2009ko datuekin bukatzea izan beharko luke erronka, hau da, 70.000 pertsona baino gutxiago egotea langabezian eta langabezia-tasa % 12aren azpitik kokatzea.
Ahaldun nagusiak baieztatu du jakitun dela zailtasunak bizi dituzten enpresetan (Edesa, CEL, General Electric edo La Naval) lan egiten duten langileen etorkizuna "zalantzazkoa" dela, eta bere egin du konponbideak aurkitzen saiatzeko konpromisoa.
Helburu horretarako, Eusko Jaurlaritzarekin batera lankidetzan aritzeko asmoa agertu du, "baina argi izanik badirela beste alderdi batzuk ere, eta alderdi horiek ere lagundu egin behar dutela, oztopoak jarri ordez", gaineratu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.