EH Bilduk Kataluniako prozesuaren aldeko manifestazioa deitu du Donostian
EH Bilduk manifestazioa deitu du larunbat honetan, "Kataluniako herriari elkartasuna eta babesa adierazi" eta "euskal herritarren burujabetza aldarrikatzeko". Donostiako Aste Nagusia hasten den egun berean antolatu dute mobilizazioa.
Arnaldo Otegi koalizio abertzaleko koordinatzaile orokorrak jakinarazi duenez, "Todo un pueblo en movimiento. Con Cataluña y la democracia" ("Herri oso bat martxan. Kataluniarekin eta demokraziarekin") lelopean abiatuko dute ibilaldia Artzai Onaren plazatik 17:00etan, Aste Nagusiari hasiera ematen dion kanoikada baino bi ordu lehenago.
Otegik nabarmendu duenaren arabera, "fase historiko eta testuinguru politiko honetan, beharrezkoa da milaka pertsona kalera irtetea eta jendeak demokraziaren errekuperazioa aldarrikatzea".
Horrez gain, "aukera ona dela" deritzo, euskal independentistek soberanista kataluniarrekin duten "elkartasun maila" erakusteko. "Europan eredu demokratiko garrantzitsua emateaz gain, independiente izan nahi duten ala ez erabakitzeko autodeterminazio eskubidea gauzatzea eskatzen ari den herria da", gaineratu du buruzagi abertzaleak.
Manifestazioarekin bat egiteko beste arrazoi "garrantzitsu" bat nabarmendu du Otegik: "Norbere burujabetza eskatzea" eta Jose Antonio Agirre lehen lehendakariaren hitzak gogoratzea, "gu beti Kataluniarekin" esan zuenean.
Konstituzioaren erreforma aztertzeko batzorde parlamentarioa osatzeko aukerari buruz galdetuta, EH Bilduko ordezkariaren iritziz, "40 urtez Estatuan nazioak egoteko aukera ukatu dutenek federalismoa edo nazio aniztasuna bezalako gaiei ekin nahi badiete, prozesu kataluniarra dagoen tokian dagoelako da".
dagoelako da".Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.