Estatutuaren balizko erreforma legegintzaldi honetan bozkatu nahi du PSEk
Idoia Mendia PSE-EEko idazkari nagusiak adierazi du EAEko sozialisten helburua dela euskal herritarrek "legegintzaldi honetan" bozkatzea Estatutuaren balizko erreforma, "erreferendum legal batean".
Politika orokorreko eztabaidan egindako agerraldian, Mendiak nabarmendu du autogobernua indartzeko modu egokiena Espainiako Konstituzioan "erreforma federala" egitea dela.
PSEko buruak balioetsi egin du egungo Estatutua, baina bere osotasunean bete behar dela aldarrikatu du. "Estatutuan eta Konstituzioan sinesten dugunez, inolako aurreiritzirik gabe eskatzen dugu horiek osorik betetzea, erreformatu daitezkeen arren", gaineratu du.
Horren esanetan, egungo Jaurlaritzak ez du Euskadi "amildegira" eramango, dula hamar urte "Ibarretxe planak egin zuen bezala". "Ziur gaude sozialistak Gobernuan gaudelako", azpimarratu du Mendiak.
"Sozialistak bertan badaude, Gobernuak ez du inoiz Euskadi amildegira eramango", laburbildu du sozialistak, eta PSEk "ekarpenak" egingo dituela esan du, "arazoak ustel ez daitezen".
Mendiaren hitzetan, PSEk egungo Estatutua "berritu" nahi du, inor "baztertua" senti ez dadin.
Autogobernuaren esparruan EAJrekin "desadostasunak" dituela aitortu du, baina Legebiltzarreko lantaldean lan egiteko deia egin die alde guztiei.
Kataluniako egoerari dagokionez, PSEko idazkari nagusiak akordioak eskatu ditu, eta ohartarazi du Zigor Kodeak ez duela ezer "konponduko". "Politika egin beharra dago, hitz handiz", esan du.
Albiste gehiago politika
PPk "autogobernuaren inguruko hausnarketa" egitea eskatu du, ongizatea dakarren arren, "ondo kudeatu behar delako"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, bere ustez, "arazoak ditugulako eskumenak ditugun eremuetan". PPko Legebiltzarreko bozeramailearen ustez, egoera hori "oso argia" da etxebizitzaren auzian. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek merkatua tenkatu dute, eta hori bien artean egin dute", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".