PPko B Kutxa egiaztatutzat eman du Gurtel auziaren fiskalak
Gurtel auziaren fiskalak, Concepcion Sabadellek, egiaztatutzat eman ditu "Barcenasen Paperetako PPren B Kutxa", sareak alderdiari mesede egin ziola eta paperetako "Luis el Cabrón" delakoa, dokumentuetan legez kontrako komisioen jasotzaile bezlala agertzen dena, PPko diruzain ohia dela.
Luis Barcenasek PPren B Kutxaren dirua erabili zuen eta administrazio publikoekin bitartekaritza lanak egin zituen legez kontrako komisioak kobratzeko, PPko kudeatzailea izanda "esleipenetan eragina izan ahal zuelako".
Sabadellek esan duenez, PPko diruzain ohiak hamar milioi euro baino gehiago sartu zituen, 2000 eta 2008 artean, Suitzako banku-kontuetan, beste elkartak erabilita bera titular bezala ez agertzeko eta bidegabeki lortutako dirua zuritzeko. Gainera, Barcenasek aipatutako artelanen salerosketak "gezurrezkoak dira". Suitzan sartutako dirua justifikatzeko asmatu zituen Barcenasek.
Ustelkeriaren aurkako fiskalak 39 urteko kartzela zigorra eskatzen du Barcenasentzat, eta 125koa Francisco Correarentzat.
Bestalde, fiskalak ziurtatutzat eman du "PPk probetxua atera ziola" Correak zuzendutako saretik. Majadahondan, sareak Udala "parasitatu" zuen Correaren enpresei kontratuak esleitzeko, tramite legalak ez betez.
Majadahondako Udalari lapurtutako diruarekin oraindu ziren "Alderdi Popularraren kartelak itsastea, Esperanza Aguirreren kanpainaren gastuak eta alderdiak ordaindu beharreko ekitaldiak PPko egoitzan".
"Frogatutzat geratu da Madajadahondako Udalari legez kontra lapurtutako eta legez kontrako komisioetatik etorritako 133.000 euro lortu zituela PPk", Correaren taldeko enpresei "emandako kontratuen bidez".
"Estatuaren eta espainiarren" kaltetan izan zen hori, eta Alderdi Popularrari 328.440 euro eskatzen dio irabaziak izan zituen parte-hartzaile bezala. "Alderdi politikoak onurak izan zituen", ziurtatu du.
Fiskalak gogoratu duenez, PPko eta Gobernuko presidente Mariano Rajoyk epaiketan deklaratzearen kontra agertu zen PPk sareari onura atera ziola egiaztatzen zuten froga nahiko zeudelako.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute boto eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.