Jose Manuel Maza Espainiako fiskal nagusia hil da
Jose Manuel Maza Espainiako fiskal nagusia (Madril, 1951) hil da infekzio baten ondorioz, Buenos Aireseko (Argentina) ospitale batean ingresatuta zegoela. Hala baieztatu du Rafael Catalá Espainiako Justizia ministroak.
Maza ospitaleratuta zegoen Buenos Airesen ostiralaz gero, infekzio baten ondorioz, Fiskaltzak aditzera eman duenez.
Buenos Airesen, Iberoameriketako Ministerio Publikoen Elkartearen bileran zegoela, ondoezik sentitu zen Maza. Sendagileek ospitalean geratzea gomendatu zioten.
Rafael Catalák doluminak adierazi ditu heriotzagatik Twitteren.
Auzitegi Gorenean arlo penaleko epailea izanik, Espainiako Estatuko fiskal nagusi izendatu zuten 2016an, Consuelo Madrigalen ordez.
Mazaren familiako hainbat kide Buenos Airesen dira, gorpua Espainiara eramateko izapideak abiarazteko. Ondorengo orduotan jakingo dira horren inguruko xehetasunak, Javier Sandomingo Espainiak Argentinan duen enbaxadoreak jakitera eman duenez.
Familiako iturrien arabera, "ezusteko handia" izan da Mazaren heriotza; larri zegoela hasieratik jakin zuten arren, hiltzeko arriskutik kanpo zegoela esan zieten. Ustekabean, baina, haren egoera asko okertu zen, eta, azkenean, atzo arratsaldean hil egin zen.
Kataluniako independentziaren aurkakoa
Duela urtebete inguru izendatu zuten Estatuko Fiskal Nagusi, eta azken hilabeteotan jarrera oso gogorra erakutsi zuen Kataluniako prozesu independentistaren kontra.
Mazaren azken agerraldi publikoa Kataluniako Generalitateko hainbat kargudunen kontra aurkeztu zituen hainbat kereilen berri emateko izan zen.
Hauteskunde Orokorren ondoren, 2016ko azaroan proposatu zuten fiskal nagusi kargurako, eta hil horren 25ean izendatu zuen Ministroen Kontseiluak, Botere Judizialaren Kontseilu Nagusiaren onespena jaso ondoren. Lau egun beranduago hartu zuen kargua.
Kataluniako prozesua dela eta egin da ezagun, azken hilabeteotan. Besteak bete, Carles Puigdemont presidentearen, Generalitateko kontseilarien eta Kataluniako Parlamentuko mahaiko kideen aurka sediziogatik, matxinadagatik eta diru publikoa bidegabe erabiltzeagatik kereilak aurkeztu zituen Maza fiskalak.
Halaber, Diputatuen Kongresuak gaitzetsi zuen lehen fiskal nagusia izan zen, Lezo auziaren ikerketan izan zuen jarreragatik.
Albiste gehiago politika
Sortuk memoria eta erakundeen aitorpena eskatu ditu Txiki eta Otaegirentzat
Irailaren 27an 50 urte beteko dira fusilatu zituztenetik, eta alderdiak Iruñean egingo den oroimen-ekitaldian parte hartzeko deia egin du. Ekitaldi horiek "mina" eragiten dutela diotenei buruz, Sorturen iritziz, oraindik "lehen eta bigarren mailako biktimak" daude.
Kataluniako Justizia Auzitegi Nagusiak bertan behera utzi ditu ikasgeletan katalana babesten duen dekretuaren hainbat artikulu
Epaiak hamar bat artikulu baliogabe utzi ditu, besteak beste, katalana komunikazio- eta ikaskuntza-hizkuntza gisa eta irakaskuntza- eta administrazio-jardueretako ohiko hizkuntza gisa ezartzen zutenak. Generalitateak helegitea jar dezake.
Euskadiren gaitasun energetikoarekiko konpromisoa betetzeko eskatu dio Pradalesek Sanchezi
Onda Vascari eskainitako elkarrizketan lehendakariak gogoratu duenez, konpromiso hori "udan" gauzatuko zen. "Atzerako kontuan gaude, eta espero dut Espainiako Gobernuak aldebiko bileran emandako hitza betetzea eta planifikazio berrian gai hori konponduta izatea", gaineratu du.
Feijook Sanchezi: "Epaileei, hedabideei eta hautetsontziei diezun beldugarratik bakarrik aritzen zara"
Diputatuen Kongresuan egindako lehen osoko bilkuran ika-mika izan dute PPko buruak eta Espainiako Gobernuko presidenteak. Feijook "inputatu anitzekoa" izendatu du Sanchezen emaztea. Sanchezek, ordea, defendatu du "Gobernu garbia eta funtzionala" duela.
Yolanda Diazek bere gain hartu du lanaldi-murrizketaren porrota, eta mobilizaziorako deia egin du
PPk, Voxek eta Juntsek 177 eserlekuko gehiengo absolutua dutenez, betoa ezarriko diote Gobernuaren arauari, eta parlamentuko tramitetik kenduko dute.
Antxustegik "positibotzat" jo du lehendakariarekin egindako bilera erronda: "Egonkortasun giro politikoa ikusi dugu"
Imanol Pradales lehendakariak Joseba Diez Antxustegi EAJren Legebiltzarreko bozeramailearekin amaitu du alderdiekin egindako bilera erronda. Antxustegik positibotzat jo du ekimena, eta azpimarratu du "egonkortasunerako, elkarrizketarako eta akordiorako giro politikoa" eta "lehendakari bat eta herritarren beharrekin bat datorren Jaurlaritza" ikusi dituela.
Bost eremutan akordioak bilatzeko proposamena helarazi dio Otxandianok Pradalesi, estatus politiko berriaren auzia lehenetsita
Beste lau gai hauetan ere akordiorako aukerak ikusten ditu EH Bilduk: politika klimatikoak, hizkuntza politika, hezkuntza sistema eta administrazioaren eta sistema instituzionalaren modernizazioa.
Pradales lehendakariak Pello Otxandiano hartu du
Imanol Pradales lehendakaria euskal alderdiekin egiten ari den bilera-sortarekin jarraitzen du. Gaur arratsaldean Pello Otxandiano EH Bilduk Eusko Legebiltzarrean duen bozeramailearekin bildu da Lehendakaritzan.
Estatuko fiskal nagusiaren aurkako epaiketa abiatzea erabaki du Auzitegi Gorenak
Alvaro Garcia Ortiz Espainiako Estatuko fiskal nagusiaren kontrako ahozko epaiketa abiatzea erabaki du Angel Hurtado Auzitegi Goreneko epaileak, Isabel Diaz Ayuso Madrilgo presidentearen mutil-lagunaren kasuari buruzko filtrazioengatik, sekretuak zabaltzea egotzita.
Pello Otxandianok uste du Pedro Sanchezek Gazako genozidioaren aurka hartutako neurriak "ondo planteatuta" daudela eta "horretarako unea" zela
Pello Otxandianok ziurtatu duenez, "gobernuak ez dira egoerak eskatzen duen maila ematen ari eta Europar Batasuna ez da existitzen, besteak beste, bere proiektu politikoa Estatu Batuei saldu eman dielako", eta AEB "Palestinan genozidioa defendatzen eta sostengatzen" ari da eta.