PPk 'hitza hartu' die Urkullu eta Mendiari, zerga erreforman aldaketak egiteko
Anton Damborenea PPk Ekonomia gaietarako duen bozeramaileak adierazi duenez, Iñigo Urkullu lehendakariari eta Idoia Mendia PSE-EEko idazkari nagusiari "hitza hartu" die. Atzo, lehendakaria eta Euskadiko sozialisten buruzagia EAJk eta PSE-EEk adostutako zerga erreforman aldaketak PPrekin "negoziatzeko" prest agertu ziren, PPk Eusko Jaurlaritzaren 2018rako aurrekontu proiektuari babesa ematearen truke.
Araban dagoeneko erreforma fiskalari buruzko elkarrizketak eta negoziazioak hasi dituztela azpimarratu ostean, gero, Eusko Jaurlaritzako Aurrekontuetan mahukak jaso beharko dituztela azaldu du. "Ez daukagu denbora askorik. Zuzenketak aurkezteko epea hil honen amaieran bukatzen da eta, beraz, ez ditugu egun asko aurretik negoziatzeko eta akordio bat lortzeko. Beraz, gaiak badu premia apur bat", gaineratu du.
Damborenearen hitzetan, nahiago luke atzo Idoia Mendiak egindako adierazpenek PP aintzat hartzen dutela esan nahiko balu. Mendiak atzo nabarmendu zuenez, euskal erakunde guztiek Aurrekontuak izango dituzte datorren urtean.
"Mendia andreari eta Urkullu jaunari hitza hartzen diet, eta nahiago nuke Araban eta EAEn Aurrekontuak onartzea eta zerga erreformaren gainean akordioa lortzea erraza balitz. Hala ere, EAEko Aurrekontuetan ez dugu ia pausorik eman eta fiskalitateari dagokionez, ostera, oso gutxi", zehaztu du.
Buruzagi popularraren esanetan, "bistakoa da" EAEko eta Estatuko Aurrekontuen negoziazioak ez daudela lotuta. "Gu hemen Aurrekontuak negoziatzen ari gara; EAJk esan du ez dela Madrilen eseriko", gaineratu du.
EH Bilduk, Kontzertuari bai, Kupoari abstentzioa
EH Bilduk baiezkoa botoa emango du Kontzertuaren Legea aldatzeko bozketan, eta abstentzio "kritikoa" egingo du Kupoaren Lege berriaren aurrean, Marian Beitialarrangoitia diputatuak iragarri duenez.
EH Bilduren ordezkariak prentsaurrekoa eman du gaur Bilbon, Leire Pinedo Eusko Legebiltzarreko kidearekin batera, ostegunean Diputatuen Kongresuan egitekoa den bozketan koalizioak emango duten botoa azaltzeko.
Beitialarrangoitiaren esanetan, erabakia hartu aurretik, EH Bilduk kontuan hartu du Kontzertu Ekonomikoak "gure autogobernuaren tresna" gisa duen garrantzia, Kupoarekin egindako akordioaren eta horren negoziazioaren aurrean "oso kritiko" agertu diren arren.
Ildo horretatik Hernaniko alkate ohiak baieztatu duenez, EH Bildu "oso kritikoa" da "Gobernu espainiarrak eta PPk -azken urteetan- egindako xantaiaren" aurrean, eta "EAJk, Eusko Legebiltzarra alde batera utzita, legeok negoziatu dituen moduen" aurrean, "erdietsitako eskubideak politikoki, txanpon politiko gisa erabilita".
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.