Ortuzarrek 'taliban' deitu dio Ciudadanosi eta Berlusconirekin alderatu du Rivera
Andoni Ortuzar EAJren EBBko presidentearen esanetan, Espainiako politikaren "arazorik handiena" Ciudadanos da, eta "taliban" izatea leporatu dio. Halaber, Albert Rivera Ciudadanoseko presidentea Silvio Berlusconi politikari italiarrarekin alderatu du, "populismo ankerra" erabiltzen duelako.
"Inkesta eta egunkarietako titularren bidez politika egitea ez da onena herriarentzat. Kataluniako emaitzak ikusita, Riverari aulkiak ateratzen zaizkio begietan, Osaba Gilitori dolarrak ateratzen zaizkion moduan. Arduragabea da, eta, Espainiaren arazoen konponbidea proiektu horretatik baldin badator, iragarpena txarra da", adierazi du Ortuzarrek Onda Cero irrati kateari eskainitako elkarrizketan.
Ortuzarren hitzetan, EAJ alderdi "instituzionala" da, akordioak lortzea eta Aurrekontuak onartzea gustatzen zaiona, Euskal Autonomia Erkidegoan zein Espainian.
Espainiako hauteskunde orokorrak Ciudadanosek irabaziko balitu, EAJ egoera horretara "moldatu" eta Riverarekin hitz egiten saiatuko litzatekeela esan du Ortuzarrek, baina alderdi laranjak euskal autogobernua "pribilegioa" dela esatea "ezjakintasunaren" ondorio dela gaineratu du.
Halaber, Ciudadanosek EAJk estatus politiko berrirako egindako proposamenari egindako kritika ere ezjakintasunari egotzi dio Ortuzarrek; izan ere, EAJk eta Eusko Legebiltzarreko gainerako alderdiek egindako proposamenek egungo legedia errespetatzen dute, buruzagi jeltzalearen arabera.
Ciudadanosen erreakzioa ikusita, Espainiako Diputatuen Kongresuan benetako arazoez ez hitz egitea (pentsioak edota energiaren kostua, kasu) eta euskal herritarrak 'puching ball' gisa erabiltzea salatu du Ortuzarrek.
Ciudadanosen erantzuna Ortuzarri
Ciudadanosek erantzun dio jada Ortuzarri. Horren hitzetan, jeltzaleak "urduri" daude jakin badakitelako ez dutela beraien aldetik inolako onura edo pribilegiorik jasoko. Miguel Gutierrez Ciudadanosek Kongresuan duen talde parlamentarioko idazkari nagusiak azaldu duenez, alderdi nazionalistak urduri daude alderdi zaharrekin (PP eta PSOE) onurak eta pribilegioak adostu izan dituztelako. "Ulertzen dut urduri egotea, Ciudadanos agintean dela ez delako kuponazorik izango", esan du Kupoaren inguruan EAJk eta PPk lorturiko akordioari aipamena eginez.
Albiste gehiago politika
Bingen Zupiriaren eta Ertzaintzaren aurkako pintaketak agertu dira Hernanin
Hainbat esaldi margotu dituzte herriko frontoiko paretetan; horien artean, "hilda hobe", “Vicente Zupiria txakurraren jabia”, “ertzainak borroka tiro en la boka” eta “ertzaina exterminio”.
_01:eitb-banner?$eitb-banner$&fmt=webp-alpha&qlt=80)
Koldo Garciak bi laguntzaile zituen PSOEren barne mugimenduak ezagutu eta zelatatzeko
Hainbat agentziek entzun ahal izan duten audio batean, gizon batek eta emakume batek Garciari kontatzen dizkiote PSOErekin lotutako bi pertsonak jatetxe batean 55 minutuz izandako elkarrizketaren xehetasunak.
Begoña Gomezek Air Europako erreskatearekin zerikusirik ez duela esan zuen Aldamak Koldo Garciari bidalitako audio batean
"Ezer ez da egia", esan zuen audio horretan. Horrek, bertan behera utziko lituzke UCOren ondorioak. Ez zen Auzitegi Gorenera bidalitako azken txostenean erantsi, Publicok jakinarazi duenez. Enpresaburuak onartzen du presioak egon zirela Jose Luis Abalos, Nadia Calviño eta Maria Jesus Monterorentzat.
EAJk arduragabetzat jo du EH Bilduren jarrera Ertzaintza demokratikoa ez dela esatean
EAJren ustez, EH Bilduk "beste pauso bat eman du" Ertzaintza polizia demokratikoa ote den zalantzan jarrita, eta Ertzaintza eta udaltzainak jarrera "arduragabean" jartzea egotzi dio koalizio soberanistari.
Donostiak atzera bota du, EAJ, PSE eta PPren botoekin, Illunbeko zezenketei amaiera emateko mozioa
Podemos Euskadik deitoratu du Donostiak "animalien tortura eta animalien eskubideak urratzen" jarraituko duela. Victor Lasa zinegotziak gogorarazi duenez, "tauromakiak ukiezina badirudi ere, ez da ukiezina, Estatuko hainbat hiritan lortu baitute zezenketetatik libratzea".
Ayusoren mutil-laguna auzipetzeko eskaera berretsi du epaileak, iruzurraren "zantzu argiak" ikusita
Antza denez, Alberto Gonzalez Amadorrek 350.951 euroko iruzurra egin zion Ogasunari, 2020 eta 2021 urteen artean, faktura faltsuak erabilita.
"Errepresio polizialaren" aurkako elkarretaratzea egin dute Gasteizen, GKSk eta Etxebizitza Sindikatu Sozialistak deituta
Era berean, protestarako eskubidearen defentsa aldarrikatu dute elkarretaratzean. Gainera, Gazte Koordinadora Sozialistako ordezkariek azpimarratu dutenez, atzo gertatutakoak "argi uzten du, beste behin ere, nor den segurtasun arazoak sortzen dituena: Polizia bera, protesta sozialen aurka eginez".
Azpeitian eta Gasteizen izandako istiluek polizia ereduari buruzko eztabaida piztu dute: EH Bilduk eta PPk aurkako ikuspegiak dituzte
Koalizio subiranistak "polizia eredua berrikustea eta sakon erreformatzea" eskatu du. Izan ere, EH Bilduren ustez, polizien azken esku-hartzeak ez dira "proportzionalak eta kalte handiagoak prebenitzeko egokiak" izan. PPk, ostera, uste du arazo bat dagoela "ezker erradikalarekin, EAJk aurre egiten ez jakiteaz gain, elikatzen eta animatzen laguntzen ari dena".
GEBehatokiak Espainiari ohartarazi dio uztailaren 31ra arte duela tortura kasu bat ikertzen hasteko
Gobernuari eskatzen dio aplika ditzala Nazio Batuen Giza Eskubideen Batzordearen azken txostenean jasotako "nahitaez bete beharreko" gomendioak. Txosten horretan kezka adierazten du Batzordeak, Espainian tortura-kasuak modu eraginkorrean ikertzeko bermerik ez dagoelako.
Bizkaiko Foru Aldundiak eraikin berria eraikiko du Etxetxua Plazan, 31 egoitzatan sakabanatutako zerbitzuak bertan hartzeko
Urtean hiru milioi euro aurreztea ahalbidetuko du egoitza berriak, eta "digitalagoa, herritarrekiko hurbilagoa eta eraginkorragoa izango da energia kontsumoan", ahaldun nagusiak nabarmendu duenez. Ez da eman proiektuaren exekuzio-epearen berri.