23 legebiltzarkidek egingo dute greba martxoaren 8an
Martxoaren 8rako deituta dagoen greba feministak isla izango du Eusko Legebiltzarrean, 23 eserleku hutsik izango baitira osoko bilkuran. Izan ere, planto egingo dute EH Bildu, Elkarrekin Podemos eta PSE-EE alderdietako emakumezko legebiltzarkideek, eta ez dute bilkuran parte hartuko.
Legealdi honetan emakumezkoak dira nagusi Legebiltzarrean, baina martxoaren 8an gizonezko gehiago izango dira Ganberan.
EH Bilduko 12 emakumezko ordezkariek, Elkarrekin Podemosen bostek eta PSE-EEren seiek greba egingo dute ostegunean, mugimendu feministak egindako deialdiari jarraiki.
EAJko emakumezko legebiltzarkideek ez dute grebarik egingo, baina eguerdian jeltzaleek deitutako 15 minutuko elkarretaratzeetan parte hartuko dute. Gizonezkoak ere batuko zaizkie.
Eguneko gai-zerrenda mantenduko dute eta falta direnen gabezia ez du egunean eztabaidatuko diren lau proposamenen gaineko eraginik izango, antza, baiezko botoa emango baitiete guztiei.
Ohiana Etxebarrieta EH Bilduko parlamentariaren hitzetan, ostegunean planto egingo dute "behin-behinekotasunaren eta indarkeriaren" aurrean.
Bestalde, bere alderdiak martxoaren 8an, emakumeen egoera azaleratzeko, aurrera eramango dituzten hainbat ekintza ezagutzera eman ditu prentsaurrekoan.
#Martxoak8-an #grebafeminista; gaur, soldata arrakalaren aurkako proposamen zehatzak egiten ari gara.@AgirreGarita @BetaurrekoMorea pic.twitter.com/8j1BxngvBr
— EHBildu Legebiltzar (@ehbildu_legebil) 5 de marzo de 2018
Emakumeak industria sektorean lan egiteko erabateko plana eskatuko dio EH Bilduk Eusko Jaurlaritzari; baita enpresa pribatuetan "berdintasun ziurtagiria" ezartzea, eta enpresa horietan amatasun bajetan berdintasuna bermatzeko plan pilotua abiatzea ere.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.