Torrentek gaurko deitu du Jordi Turullen inbestidura saioa
Roger Torrent Kataluniako Parlamentuko presidenteak ostegun honetarako deitu zuen atzo Jordi Turull JxCat alderdiko hautagaiaren inbestidura saioa, talde parlamentarioekin telefonoz kontsulta-sorta espresa egin ostean.
Horrela, Auzitegi Gorenak auzipetu baino lehen izendatuko dute presidente JxCaten hautagaia. Hain zuzen ere, 17:00etan hasiko da inbestidura saioa.
JxCatek, ERCk eta CUPek Turullen inbestidura saioa ostegun honetan egitea adostu zuten atzo arratsaldean. 22:00ak aldera agerraldia egin du bart Torrentek, Parlamenteko bulegoan, erabakiaren berri emateko.
“Ostiralean gerta daitezkeen esku-sartzeak” saihesteko premiazko saioa deitzea erabaki duela azpimarratu zuen Parlamenteko presidenteak; izan ere, Auzitegi Gorenak Jordi Turull ostiralerako deitu zuen, horren kontra kautelazko neurriak hartzea aztertzeko.
“Jordi Turull presidentea izango den ala ez herriaren ordezkariek erabakiko dute. Politika guztiaren erdigunean jar dezagun. Bihar Kataluniako subiranotasunaren ordezkariak bilduko gara, beti egin behar izan duguna egiteko: hitz egin, eztabaidatu, eta azkenik, bozkatu”, adierazi zuen.
Telefonoz kontsulta sorta egin ondoren, Turull proposatutako hautagai bakarra eta “babes handiena lor dezakeena” dela egiaztatu zuen Kataluniako Ganberaren presidenteak.
Jordi Turulli babesa eman edo ez ostegun honetan bilduko den kontseilu politikoan erabakiko dutela iragarri zuen CUPek. Batzarra 15:00etan hasiko da, inbestidura saioa abiatu baino bi ordu lehenago.
Inor baztertu barik eta kataluniar guztientzako gobernatzea agindu zuen Jordi Turull JxCateko presidentegaiak. Gainerako diputatuek aukeratzea “ohore izugarria” izango litzatekeela gaineratu zuen Turullek.
“7,5 milioi kataluniarren eskubideak, askatasuna eta agindu demokratikoa babesteko eta garapena lortzeko atsedenik gabe lan egingo dut”, adierazi zuen txio batean.
Carles Puigdemont Generalitateko president kargugabetuak gauean txio batean ziurtatu zuenez, Turull “155. artikuluaren ondorioak leheneratzeko presidente bikaina izango da”. “Estatuaren maniobrek ez dute bere duintasuna arrakalatuko”, erantsi zuen.
Korrika eta presaka eta gardentasun faltarekin inbestidura saioa deituta, erakundearen duintasunari kalte egitea egotzi zion Espainiako Gobernuak Parlamenteko presidenteari. Gorvern bat legearen barruan boterera heldu bitartean 155. artikulua indarrean mantenduko duela ohartarazi zuen Madrilek.
Parlamenta “zapaltzen jarraitzea lotsagarria” dela aurpegiratu zion Ines Arrimadas Ciudadanoseko buruzagiak Torrenti. Arrimadasen hitzetan, Ganbera “'procesaren show'rako agertoki” bezala “erabiltzen ari dira, “enfrentamendua eta talka elikatzen jarraitzeko”.
Miquel Iceta PSCko idazkari nagusia “prozedurak eta epeak bortxatzearen aurka” azaldu zen, deialdiaren berri izan ondoren.
Saioaren deialdia “legeari iruzurra” egitea dela salatu zuen Xavier Garcia Albiol PPCko presidenteak.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.