Errektorearen aginduz Cifuentesen masterreko akta berreraiki zuela dio zuzendariak
Cristina Cifuentes Madrilgo erkidegoko presidentearen masterraren inguruko korapiloak hazten jarraitzen du. Enrique Alvarez Conde masterreko zuzendariak ostiral honetan onartu duenez, Juan Carlos Erregea Unibertsitateko errektoreak aginduta, Cristina Cifuentesen Master Amaierako Lana epaitzeko epaimahaiak ustez egin zuen akta berreraiki zuen martxoaren 21ean.
Enrique Alvarez Condek bere errua aitortu du, haren esanetan, errektoreari kasu egin eta akta berreraiki zuelako.
Onda Cero irrati kateari eskainitako elkarrizketan azaldu duenez, eldiario.es agerkari digitalak Cristina Cifuentesen masterraren kontua argitaratu zuenean Javier Ramos Juan Carlos Erregea Unibertsitateko errektoreak prentsaurrekoan parte hartzera deitu zuen.
"Une horretatik aurrera, jende askok parte hartu zuen bilera bat egin zen eta bertan parte hartu zutenak ongi identifikatuta ditut. Errektoreak lana badagoen galdetu zuen. Nik ez nuela erantzun zion eta araudiak bi urtera denak suntsitu behar direla dioela esan nion. Beraz, ez nuela esan nion", adierazi du.
"Errektoreak esan zidan dokumentua aurkitu behar zela, dokumentua sortu behar zela, literalki. Nire erantzukizun instituzionalagatik kasu egin nion eta akta hipotetiko hori berreraikitzen saiatu nintzen. Gero, arratsaldean, akta bidali nien errektoreari eta prentsa gabineteko zuzendariordeari gmail kontuaren bitartez, hala eskatu zidatelako", nabarmendu du.
Bestalde, Juan Carlos Erregea Unibertsitateko errektoreak prentsaurrekoa eskainiko du 13:30ean Fiskaltzak ikerketa penala abiatu duela-eta.
Epaimahaiaren inguruan galdetuta, masterreko zuzendariak azpimarratu du egon zela, baina ez dakiela Cifuentes bertan egon zen ala ez. Gaineratu duenez, Cifuentesen Master Amaierako Lanak 50 orrialde inguru zituen eta aurreko asteetan zuzentzen joan zen, baina ez zuen inoiz behin betiko bertsioa irakurri.
Albiste gehiago politika
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Abalosek adierazi du zabaldu diren grabazioetan ez duela bere ahotsa ezagutzen, eta Garciak ez deklaratzeko eskubidea baliatu du
Joan den astean, Maria Chivitek zuzendutako Gobernuak akusazio partikular gisa aurkeztea eskatu zuen. Magistratuak, ordea, atzera bota du Nafarroako Gobernuak galdegindakoa, ez baitu zehaztu zer egitatek ekarriko luketen hura kaltedun izatea.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.