Preso ohi talde batek lehen gradua bertan behera uztea eskatu du
Preso ohi talde batek "espetxeetako lehen gradua bertan behera uztea" eskatu du gaur eguerdian Donostian, eskaera horren ukapena "arma politiko gisa" erabiltzeko deia egiteaz gain.
Ohar bat irakurri dute gaur eguerdian Donostian egindako ekitaldian: Aritz Arginzonizek euskaraz, eta Sara Majarenasek gaztelaniaz. Majarenas joan den asteartean utzi zuten aske. 2017an bigarren gradua eman zioten, eta Madrileko espetxe batera eraman zuten, Izar alabarekin bizi zedin. Aitak labankadaz zauritu zuen umea 2017ko urtarrilean.
Zuloaga plazan egindako bilkuran irakurri dute idatzia. Antton Lopez Ruiz "Kubati" eta Josu Zabarte preso ohiek hartu dute parte, besteak beste.
Orain dela bi urte "Kalera Kalera" ekimena martxan jarri zenez gero gauza "positiboak" gertatu direla onartu dute: ezker abertzaleak eta EPPK kolektiboak emandako "urratsak", esaterako. "Estatu espainiarrak jartzen dituen zailtasunak zailtasun, konponbiderako testuingurua eraikitzen ari da apurka-apurka", nabarmendu dute. Zentzu horretan, Frantziako Gobernuak "hainbat preso Euskal Herrira" hurbildu dituela azpimarratu dute.
Gaur bildu diren preso ohien iritziz, Euskal Autonomia Erkidegoan eta Nafarroan "politika, gizarte eta erakundeetako eragileen arteko adostasuna dago egungo espetxe politikaren amaieraren inguruan". Eusko Legebiltzarrak eta Nafarroako Parlamentuak lortutako itunak direla horren adibide aipatu dute.
Era berean, EPPK kolektiboak joan den udan "juridikoki eta politikoki legedi arruntaren bidea jorratzeko" erabakia hartu zuela gogoratu dute. "Bide hori kartzeletan ezartzen ari diren arren, emaitza eraginkorra izan dadin, lehen gradua bertan behera utzi behar dela" azpimarratu dute.
Azkenik, Kalera Kalerak datorren apirilaren 21ean Bilbon presoen alde deitutako manifestazioan parte hartzeko deia egin dute ekitaldian.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.