DNA programak identifikatutako lehen pertsona hobiratu dute Elgoibarren
DNA programak identifikatutako lehen pertsonari lurra eman dio astearte honetan Eusko Jaurlaritzak Duintasunaren Kolunbarioan. Miguel Vargas tolosarraren gorpuzkiak dira. Rabanera del Pinarreko (Burgos) hobi batetik atera zuten, haren senideei DNA lagina hartu ondoren. Horrela, identifikatzea lortu zuten, senitartekoek denbora luzea bilatzen eman ondoren.
Iñigo Urkullu lehendakaria ekitaldian izan da Elgoibarko (Gipuzkoa) Duintasunaren Kolunbarioan. Miguel Vargas Arnaizen gorpuzkiak entregatzeko eta hobiratzeko ekitaldia ohorezko aurresku batekin hasi da. Ondoren, Paco Etxebarria Aranzadi Zientzia Elkarteko presidenteak eta Cristian Etxeberria Miguel Vargasen birbilobak hitza hartu dute.
Urkulluk eta Jonan Fernandez Eusko Jaurlaritzako Bizikidetza, Giza Eskubide eta Lankidetzarako idazkari nagusiak Miguel Vargasen gorpuzkiak bi senideri entregatu dizkiete. Senitartekoek Vargasi lur eman diote Duintasunaren Kolunbarioko horma-hilobi batean.
Era berean, Aintzane Ezenarro Gogora Institutuko zuzendariak, Ane Beitia Elgoibarko alkateak eta Jose Manuel Herrero Gaztela eta Leongo Presidentetzako idazkari nagusiak ekitaldian parte hartu dute. Ehorzketa lore eskaintza batekin bukatu da.
Eusko Jaurlaritzak jakitera eman duenez, Miguel Vargas Arnaizek urte asko eman zituen Tolosan (Gipuzkoa). Bertako guardia zibila izan zen.
Urteak pasa eta Burgosko San Millan de Lara jaioterrira itzultzea erabaki zuen. Han atxilotu zuten 1936ko irailaren 23an, eta handik gutxira, irailaren 27an, beste lau pertsonarekin batera fusilatu zuten.
Bere gorpuzkiak Picon de Valdeabejaseko hobitik atera zituen Aranzadi Zientzia Elkarteak 2009an, Rabanera del Pinarren (Burgos), beste lau pertsonaren gorpuzkiekin batera.
Iñigo Urkullu lehendakaria Miguel Vargasen gorpuzkien hobiratzean izan da. Argazkia: EFE
Familiak urteak eman ditu senidearen bila. Senitartekoak Gipuzkoako herri ezberdinetan bizi dira egun.
Iaz Gogorarekin harremanetan jarri ziren, Rabanera del Pinarreko hobitik atera zituzten gorpuzkiak Miguel Vargas Arnaizenak izan zitezkeenaren susmoa hartuta. Egiaztatzeko DNA lagina hartu zieten, gorpuzkienarekin alderatu eta identifikatzea lortu dute.
Eusko Jaurlaritza Gerra Zibilean desagertutako pertsonen bilaketan eta identifikazioan lan egiten ari da 2002az geroztik. Epe horretan 44 hobi aurkitu eta 118 pertsonaren gorpuzkiak lurpetik atera dituzte. Gaurdaino, haien senideei 26 pertsonaren gorpuzkiak entregatu dizkiete.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.