Cifuentesek Madrilgo PPren presidente kargua utzi du
Duela bi egun Madrilgo Erkidegoko Gobernuko presidente izateari utzi zion eta gaur Madrilgo Alderdi Popularraren presidente kargua utzi duela jakinarazi du Cristina Cifuentesek.
Angel Garrido Madrilgo PPko idazkari nagusiak hartuko du Cifuentesen lekua, presidente berria aukeratu bitartean. Halaber, Garrido da joan den asteazkenetik Madrilgo Erkidegoko jarduneko presidentea.
Paloma Adrados Madrilgo Parlamentuko presidenteak bilera-sorta egingo du talde politiko guztiekin, datozen asteetan presidentegai bat proposatzeko.
Iruzurrik egin ez zuela behin eta berriro errepikatu arren, azkenean Juan Carlos Erregea Unibertsitateko masterraren polemikak Cristina Cifuentes aurretik eraman du.
Cifuentesek gutuna bidali dio Maria Dolores de Cospedal Alderdi Popularreko idazkari nagusiari dimisioa aurkezteko. Erabaki hori hartzea "oso mingarria" egin zaiola, baina "alderdiari kalte ez egiteko" hala egitea erabaki duela azpimarratu du Cifuentesek.
"Oso erabaki mingarria da niretzako, bizitza erdia baino gehiago eman baitut alderdi honetan, beti nire onena emanda eta, nire ustez, Madrilentzat nahiz Espainiarentzat onak diren printzipioak eta baloreak defendatuz", idatzi du.
Bi egunetan bi dimisio eman behar izan dituela deitoratu ostean, kargu horiek "madrildarren eta alderdikideen konfiantzari esker" eskuratu zituela gogoratu du.
"Tamalez, bi erabaki zail hartu behar izan ditut; batetik, Madrilgo Presidentzia arriskuan jarrita, madrildarrak ez kaltetzeko; eta bestetik, gure alderdi maiteari kalterik ez egiteko, alderdiak egonkortasuna behar duelako, Madrilen hain emaitza onak ematen ari den proiektu politikoarekin aurrera jarraitzeko", azaldu du.
Horrez gain, Mariano Rajoyk eta Alderdi Popularrak egunotan emandako "babesa eta elkartasuna" eskertu ditu.
Zure interesekoa izan daiteke
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.