Ortuzar, Otegi eta Arana izango dira EAJ, EH Bildu eta Podemosen ordezkariak Kanbon
Andoni Ortuzar EAJren EBBko presidentea, Arnaldo Otegi EH Bilduko koordinatzaile nagusia eta Eukene Arana Podemoseko legebiltzarkidea izango dira, hurrenez hurren, euren alderdien ordezkaritzaren buruak ostiraleko Kanboko nazioarteko konferentzian.
EAJren ordezkaritza Andoni Ortuzarrek, Joseba Aurrekoetxea Antolakuntza Arloko arduradunak, Pako Arizmendi Ipar Buru Batzarreko (IBB) presidenteak eta Joseba Egibarrek osatuko dute. Azken hori gonbidatuen artean ageri da gatazkaren konponbiderako aurreko prozesuetan parte hartu duelako; zehazki, Lizarra-Garaziko elkarrizketetan izan zuen parte-hartzeagatik.
Pasa den ostiralean Kanboko ekitaldira joateko gonbidapen formala jaso ostean, ordezkaritza hori bidaltzea erabaki du EAJren zuzendaritzak.
Jeltzaleek adierazi dutez, Kanboko ekitaldian ETAren "historia beltza" zurituko ez denaren bermeak jaso dituzte. Horien esanetan, ETAren disoluzioa "egiaztatu" besterik ez da egingo. Hori dela eta, eta Euskal Autonomia Erkidegoko (EAE) lehen indarra diren heinean, "Euskadiren historiako orrialde mingarrienetako baten itxieran" egon behar dela uste du, "notario" lanetan.
EH Bilduren izenean, ostera, Arnaldo Otegi, Maddalen Iriarte koalizioak Eusko Legebiltzarrean duen bozeramailea, Adolfo Araiz koalizioak Nafarroako Parlamentuan duen bozeramailea eta Bakartxo Ruiz Nafarroako legebiltzarkidea joango dira Kanbora.
Azkenik, Podemosek ez du Lander Martinez idazkari nagusia bidaliko Kanbora, baina, horren ordez, Eukene Arana legebiltzarkidea eta Andeka Larrea Komunikazio idazkaria joango dira.
Sindikatuei dagokienez, ELA eta LABeko ordezkari nagusiak, Adolfo Txiki Muñoz eta Garbiñe Aranburu, Kanbon izango dira. Gainera, Iparraldeko LABeko ordezkari Eñaut Aramendi ere naziaorteko konferentziara joango da.
UGT-Euskadik ere ostiraleko ekitaldian izango dela baieztatu du. Raul Arza idazkari nagusia joango da Kanbora, "behingoz ETA erakunde terrorista behin betiko desagertzen dela ziurtatzera, euskal eta espainiar gizarteei eragindako izu, jazarpen, estortsio eta hilketez betetako hamarkaden ostean".
CCOO sindikatuak, ordea, Kanbora ez joatea erabaki du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.