Gure Esku Dagok 100.000 pertsona elkarri lotu nahi ditu ekainaren 10eko giza katean
Gure Esku Dagok gutxienez 100.000 lagun, 3.000 boluntario eta 1.200 autobus mobilizatu nahi ditu ekainaren 10erako aurreikusitako mobilizazio erraldoiari begira.
Angel Oiarbide eta Jone Amonarriz Gure Esku Dagoko kideek Eusko Legebiltzarraren atarian agerraldia egin dute eta Donostia, Bilbo eta Gasteiz lotuko dituen giza katean parte hartzeko deia egin dute.
ETAren amaieraren ostean zabaldutako aro berrian, erabakitzeko eskubidea "giltza" izango dela iritzi dio Gure Esku Dago dinamikak. "Epe luzerako bizikidetza eta elkarbizitza bermatzeko gako garrantzitsua delako, eta herritarron borondate demokratikoa oinarri eta muga bakarra izanik, aukera guztiei bide ematen dielako, bazterketarik gabe", azpimarratu du.
Erabakitzeko eskubidearen aldeko dinamikak azaldu duenez, "demokrazian, askatasunean eta eskubide zibil eta politikoen defentsan" oinarrituko den etorkizuna "elkarrekin" eraikitzeko konpromisoa irudikatzea da ekainaren 10eko giza katearen helburua. "Euskal Herrian nolako estatus politikoa nahi dugun erabakitzera eramango gaituen Herri Itunera jauzi egin nahi dugu datorren urtean", gaineratu du.
Donostiatik abiatu, Bilbotik pasa eta Gasteizen amaituko den giza kateak badu behin betiko ibilbidea: zein herritatik igarotzen den eta zein herriri zein kilometro egokitzen zaion jasotzen duen mapa zabaldu du herri mugimenduak.
DOKUMENTUA: Kontsultatu PDF honetan ekainaren 10eko giza katearen mapa, herriz herri.
Izen-ematea
Gure Esku Dagok lehenbailehen izena ematera deitu ditu herritarrak, lekua ziurtatzeko eta antolakuntza lanak errazteko. Izena emateko hainbat bide daude: herri edo auzo bakoitzean jarritako postuen edota Gure Esku Dagoko webgunearen bitartez. Azaldu dutenez, parte-hartzaile bakoitzak zapia jasoko du 5 euroren truke.
Autobusak
Giza katera bertaratzeko garraio bide nagusia autobusak izango dira. Dinamikak jakinarazi duenez, autobusen bidez soilik bermatu ahalko du antolakuntzak, pertsona bakoitza nor bere kilometroan uztea.
Ordutegiak:
9:00 Antolakuntza martxan
10:00 Parte-hartzaileak iristen hasiko dira
10:00-11:30 Giza katea muntatu eta animazioa hasiko da
11:30 Dena prest
12:00-12:30 Giza katea eta ekitaldi nagusia
12:30-13:00 Irteera bideratu
13:30etik aurrera jai giroa Bilbon, Donostian eta Gasteizen
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.