Naparra auziko ikerbide berriak CESID seinalatu dezakeela uste du Iruinek
Naparra auziko eginbide berriek ikerketa “bide” berriak zabaldu ditzakeela uste du Iñigo Iruin abokatuak. Komando Autonomo Antikapitalistetako ustezko kidea 1980an desagertu zen Landetan (Frantzia). Are gehiago, ikerbide berriak “Defentsa Ikerketa Zentro Nagusia (CESID)” seinalatu dezakeela uste du abokatuak. CESID garai bateko Inteligentzia Zentro Nazionala (CNI) zen.
Auzian Jose Miguel Etxeberria Naparra-ren familiako ordezkaria da Iruin, akusazio partikular gisa. Abokatuak prentsaurrekoa eman du goizean, Donostian, Eneko Etxeberria desagertuaren anaiarekin batera. Gorpua Mont-de-Marsanen bilatzeko eskatu die Auzitegi Nazionalak Frantziako agintariei, 2017ko apirilean arakatu ez zen zona batean, alegia.
Horrela, auzia ez artxibatzeko Iruinen eskaera onartu zuen Auzitegi Nazionalak astelehenean. Instrukzioa luzatzea eta bi diligentzia berri aurrera eramango dituzte: arakatu gabeko zona batean gorpuaren bigarren bilaketa bat egin eta gorpua egongo litzatekeen tokiaren berri eman zuen CESIDeko ustezko agentea galdekatzea.
Auzitegi Nazionalak bere azken ebazpenarekin familiari “arrazoia” eman diola ziurtatu du abokatuak. CESIDeko agentearen adierazpenen berri izan ondoren, 2016ko urrian irekitako ikerketa “agorturik ez dagoela berretsi” du ebazpenak, gaineratu duenez. Naparra-ren gorpuzkiak aurkitzeko ohar batzuk eman zituen agenteak “eskuidatzi” batean.
Horregatik, “funtsezko” bi alderdietan “sakontzea” beharrezkoa dela uste du abokatuak: desagertuaren gorpua bilatzeko saiakera berri bat. 1982an airetik ateratako argazki batzuk baliatuz eskatu dute, gorpua egon daitekeen tokian, eta CESIDeko ustezko kide ohiak emandako oharrak sendotu ditzakete; eta bestalde, agente ohiaren deklarazioa, “informazio gehiago” eman dezan.
Zentzu horretan, Guardia Zibilak eta Espainiako Poliziak lekukoa aurkitzeko eta haren iraganari buruzko informazioa emateko dituzten arazoekin “harrituta” agertu da Iruin; izan ere, bere irudiak, bideo bat eta “zigor zein espetxe historia” dituzte, preso egon delako. Are gehiago, bere izena Kanariar Uharteetako komunikabideetan azaldu da, auzi bat zabalik duelako bertan.
“Agente ohiaren eskuidatziko testuak, bideo batean egiten dituen adierazpenekin batera, CSID zenaren, gaur CNI, bideari heltzeko aukera ematen digu”, errepikatu du abokatu gipuzkoarrak. Nahiz eta “zailtasunaren” jakitun izan, “norabide horretan ikerketa bat eskatzeko oinarri nahikoa” dagoela uste du Iruinek.
“CSIDek 80ko hamarkadaren Estatu terrorismoan izan zuen esku-hartzea nabaria eta eztabaidaezina da egun, Estatu terrorismoaren bi belaunaldietan”, adierazi du Iruinek. Ustezko agentearen “eskuidatzia” eta bideoa oinarri hartuta, “ikerbidea abiatzeko” asmoa berretsi du abokatuak. CESIDeko kide ohiak bideoan azaltzen duenez, “inteligentzia zentroak Naparra-ren gorpuzkiak non dauden badaki”.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.