Gobernu berriak sexu-parekotasunik ez duela salatu dute ERCk, CUPek eta PSCk
Kataluniako Gobernu berriaren sexu-parekotasun faltaren aurka egin dute larunbat honetan hainbat ordezkari politikok, tartean, Ruben Wagensberg ERCko diputatuak. Twitter bidez salatu duenez, "ez dago aitzakiarik hori zuritzeko: hamaika gizonezko, hiru emakumezko". Mireia Boya CUPeko diputatu ohiak Twitter bidez ere erantzun dio esanez "Zure etxean kexatu zaitez. ERCk ez dauka berdintasunaren eta feminismoaren inguruan hitz egiteko legezkotasunik, Ruben maitea".
Kataluniako Gobernu berria osatuko duten kontseilarien izendapen-dekretua sinatu du larunbat honetan Quim Torra Kataluniako presidenteak: behin-behineko espetxean dauden Jordi Turull eta Josep Turull, eta Belgikan dauden Antoni Comin eta Lluis Puig kontseilari izendatu ditu, besteak beste.
Guztira, 14 kontseilari dira, eta horietatik hiru baino ez dira emakumezko: Elsa Artadi (JxCat), Gobernu-bozeramailea Enpresa kontseilaria; Ester Capella, Justizia kontseilaria; eta Teresa Jordà, Nekazaritza kontseilaria (azken biak ERCkoak dira).
Natalia Sanchez CUPeko diputatuak salatu du, ez bakarrik Kataluniako Gobernuan, baita Parlamentuko Mahaian ere dagoen emakumezko falta (zazpi kideetatik bakar bat emakumezko delako): "Quim Torra, JxCat eta ERC… Nola konponduko duzue parekotasun minimoa betetzen ez duen lardaskeria hau?".
Eulàlia Reguant kapitalismoaren aurkako diputatu ohiak galdera planteatu die JxCati eta ERCi: "Berdintasun legea defendatzen ari zarete baliogabetutako artikuluekin edo osorik? Eta horri oniritzia eman dioten gizonezkoak ere erantzuleak dira", botere publikoen ordezkaritzan sexu-parekotasuna ezartzen duen legeari aipamena eginda.
PSCk ere parekotasun gabezia salatu du. Salvador Illa PSCren Antolakuntza idazkariak EFEri adierazi dionez, "parekotasun falta horrek ez du izan beharko lukeen oreka erakusten".
Kataluniako Gaztedi Sozialista Twitterren bidez mintza da: "errepublika feministak itxaron beharko omen du". Bestalde, Jordi Terrades diputatu sozialistak ere txioa bota du gaiaren inguruan: "hamaika gizonezkok eta hiru emakumezkok osatutako Gobernu bat ez dirudi batere berdinzale, parekotasuna bermatzen duen berdintasun legea gogoratzea beharrezkoa da".
Zure interesekoa izan daiteke
Delitu txikiak behin eta berriro egiten dituztenentzako legeak zigor gogorragoak aurreikusten ditu lapurreta eta iruzur kasuetarako
PSOEk, PPk, VOXek, EAJk eta UPNk babestu dute lege erreforma. Ezkerreko alderdien artean, ostera, ezinegona eragin du.
Juntsek aurrera atera du delitu-errepikatzaileen kontrako legea, PSOE, PP, Vox eta EAJren babesarekin
Aldeko 302 boto, kontrako 36 eta 8 abstentzio izan ditu Kode Penala eta Prozedura Kriminalaren Legea aldatzen dituen ekimenak eta Senatura bidalliko da orain. Legeak, besteak beste, hiru urteko espetxe zigorra ezartzen du mugikorrak lapurtzen dituztenenetzat. Podemos, Sumar eta EH Bilduk errefusatu egin dute neurria eta, lapurretak geldiarazteko baliogarri ez izateaz gainera, eskuin muturrarentzako bazka dela diote. ERC abstenitu egin da "kirats arrazista" duelako legeak.
Rufianek ez du ERCtik aldentzeko asmorik: "Hemen egongo naiz alderdiak nahi duen bitartean"
Alderdi Sozialista baino ezkezaleagoak diren taldeak elkartzeko asmoz aurkeztutako proposamena dela eta, desadostasunak izan ditu zuzendaritzarekin. Dena den, Espainiako Kongresuko ERCren burua izaten jarraitzeko asmoa du.
Diez Antxustegik dio EAJ eta PSE ez datozela bat auzi batzuetan, baina adierazi du hori konpontzeko eta egonkortasuna bermatzeko lanean ari direla
Joseba Diez Antxustegi EAJk Eusko Legebiltzarrean duen bozeramaileak adierazi duenez, bere alderdiak eta PSE-EEk, euskal erakunde nagusietan gobernukide direnek, "ez datoz bat" gai batzuetan, baina hori konpontzeko lanean ari dira, "egonkortasuna" bermatzeko eta Euskadin gobernu programa betetzeko. EAJk eta PSE-EEk hainbat arlotan dituzten desadostasunetako batzuk "Espainiako Gobernuaren zereginari buruzko" gaiei egotzi dizkie, eta adierazi du EAJk jarraitu egingo duela Espainiako Gobernuarekin dituen konpromisoak bere gain hartzeko zorrotz eskatzen.
Gai estrategikoetan EAJ eta PSE bat ez etortzeak EAEren etorkizuna baldintzatzen duela salatu du EH Bilduk
"Asteak dira Gobernuko kideen artean hainbat gairen inguruko aurrez aurrekoak publiko direla. Jendaurrean egindako eztabaida hori, gure ustez, ez da batere emankorra. Ez da ona herri honentzat", adierazi du Pello Otxandiano EH Bilduk Eusko Legebiltzarrean duen bozeramaileak.
Delitu-errepikatzaileei zigorra gogortzeko legea bozkatuko dute gaur Espainiako Kongresuan
Espero da oposizioak legea babestea azken bozketa honetan. Juntsek bultzatu erreformak mugikorrak lapurtzeagatik ezarritako zigorrak gogortzen ditu.
Karmele Tubilla Santurtziko alkateak kargua utzi du "arrazoi pertsonal, profesional eta politikoengatik"
Edorta Rodrigo alkateordeak hartuko du Alkatetza behin-behinean, EAJk agintaldia osatuko duen pertsona izendatu arte.
EAJk Estatuari martxoaren 3ko sarraskiaren ardura har dezala eskatu dio, eta horrek beste aurrez aurreko bat ekarri du jeltzale eta sozialisten artean
EAJk eta EH Bilduk Espainiako Gobernuari eskatu diote aitor dezala martxoaren 3ko sarraskian erantzukizun zuzena izan zuela, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Tren-istripuei buruzko azalpenak emateko, agerraldia egin du gaur Sanchezek Kongresuan, eta, ohi bezala, estu hartu du Feijoo oposizioburuak. Ohartarazi dio "auzipetuen aulkian" eseriko dela Gobernua.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.