Auzitegi Nazionalak PP, Barcenas eta Correa kondenatu ditu Gurtel auziagatik
Auzitegi Nazionalak 33 urte eta 4 hilabeteko kartzela-zigorra eta 44 milioi euroko isuna ezarri dio Luis Barcenas PPko diruzain ohiari, eta 15 urtekoa haren emazteari, Gurteleko lehen etapan (1999-2005) egindako iruzur delituengatik.
Espetxe-zigor handiena sareko buruari jarri diote. 51 urte eta 11 hilabeteko espetxe-zigorra ezarri diote Francisco Correari, eta haren emazte ohiak ere ia 15 urte eman beharko ditu kartzelan.
Epaiak frogatutzat eman du PPk B kutxa bat zuela finantzatzeko. Hala, 245.492 euro ordaindu beharko ditu Gurtel sarearen lehen etapan etekina ateratzeagatik.
Barcenasen konfiantzazko gizona ere kondenatu dute. 37 urte eta sei hilabete eman beharko ditu kartzelan Pablo Crespok. Bide bera hartuko dute Majadahondako alkate ohiak eta Madrilgo Kirol kontseilari izandakoak ere.
Jesus Sepulvedak, Ana Matoren senarrak, 14 urte bete beharko ditu eta Osasun ministro ohiak 27.857 euro ordaindu beharko ditu Gurtel saretik jasotako opariengatik.
Epaia ezagutu eta gutxira, PPko zuzendaritza Genovan bildu da eta isunaren aurkako errekurtsoa aurkeztuko duela iragarri du alderdiak.
Magistratuen iritzian, sarearen bidez jasotako eskupekoen eta PPren B kutxatik atera omen zuen diruaren bidez 48,2 milioi euro bildu zituen Barcenasek Suitzan.
Epaiaren arabera, jarduteko modua honakoa zen: Francisco Correa enpresariekin harremanetan jartzen zen, eta, ondoren, Barcenasek beharrezko izapideak egiten zituen "nahi zuten enpresariak esleipenak lor zitzan, eta lanak egiten ari zirenean proiektua garestitu egiten zen, geroago banaketa egiteko, adostuta zuten moduan".
Epaiaren arabera, Rosalia Iglesias senarrarekin elkarlanean aritu zen 2000tik aurrera legez kontra dirua irabazteko eta Suitzan diru hori gordetzeko. Gerora, operazio komertzial ezberdinen itxura eginez, Ogasunari ezkutatuko diru hori aterarazi zuten.
Auzitegi Nazionalak, gainera, zerga-delitua egotzita kondenatu ditu, 2003, 2006 eta 2007. urteetan iruzur egiteagatik; hortaz, sei milioi euroko zorra eta interesak ordaindu beharko dizkiote Ogasunari.
Horrela, Luis Barcenas eta Rosalia Iglesias espetxean sartuko dira. Barcenasek jada 19 hilabete eman zituen behin-behineko espetxealdian Suitzako ezkutuko dirua zela eta, baina orain berriro sartuko dute Gurtel auzia dela eta Auzitegi Nazionalak ezarri dion lehen kondena betetzeko, oraindik epaitzeko baitago PPko B kutxaren eta horren paper ospetsuen auzia.
Auzitegiak absolbitu egin du Alvaro Perez Alonso 'El Bigotes' Gurteleko lehen etapako iruzurren auzian; Fiskaltzak bost urte eta bi hilabeteko kartzela-zigorra eskatzen zuen berarentzat.
Luis Valor San Roman (Majadahonda Udaleko Teknologia Berrien zuzendari ohia), Jacobo Ortega Alonso (Guillermo Ortegaren anaia) eta Jose Antonio Saenz Jimenez (Pozuelo de Alarcon udalerriko zinegotzi ohia) ere absolbitu dituzte.
Gurtel auziarekin lotutako enpresari hauek absolbitu dituzte: Carmen Garcia Moreno, Antonio Martin Sanchez, Juan Ignacio Hernandez Rodriguez eta Inmaculada Mostaza.
Guztira, 37 akusatuetatik 29 zigortu dituzte. 9 urteko instrukzioaren ostean, frogek argi utzi dute kondenatuek iruzurra egin zutela. Gaurkoa, ordea, Gurtel auziaren lehen epaia besterik ez da.
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.