Torrentek osoko bilkura eten du, lazo hori bategatik Ciudadanosekin liskarra izanda
Roger Torrent Kataluniako Parlamentuko presidenteak bertan behera utzi du ostiral honetarako deitutako osoko bilkura, Carlos Carrizosa Ciudadanoseko bozeramailearekin liskar bat izan ostean lazo hori bategatik. Lazo horia berriro jartzeko eskatu dio, izan ere, lehenago kendu egin du hark; baina ez du lortu.
Ordubete pasatu ostean, saioari ekin diote berriro. Kataluniako Gobernuaren lazo horia mantentzea adostu dute, baina aulkiz aldatzea eta Quim Torra presidentearen alboan jartzea.
Torrak izendatutako kontseilariak gogorarazi nahi dituzte lazoarekin; baldintzapeko kartzelaldian daude edota kanpora ihes eginda, eta ezin izan dute kargua hartu. Carrizosak lazoa kendu du, osatutako Gobernurik ez dagoenez, inor ordezkatzen ez zuela uste izanda.
Torrentek hemizikloa "eskolako patioan" ez bilakatzeko eskatu dio Carrizosari, lazoa jartzeko esanez, behin-behinean behintzat, osoko bilkurarekin jarraitu ahal izateko. Kasurik egin ez dionez, Parlamentuko presidenteak saioa bertan behera uztea erabaki du.
Legealdiaren hasieratik, lazo horiek jarri dituzte kartzelan edo ihes eginda dauden diputatuen aulkietan, independentzia prozesuagatik. Orain arte ez da liskarrik izan.
Oraingo hau Torraren lehen osoko bilkura zen presidente bezala, baina Gobernurik gabe, kontseilariek ezin izan dutelako kargua hartu.
Carlos Carrizosa Ciudadanoseko bozeramaileak lazo horia kendu du. EFE
Roger Torrentek lazo horia lekuz aldatzea adostu du taldeekin, eta saioari berriro ekitea ahalbidetu du horrek, ordubete inguru bertan behera izan ostean.
Lazoa hemizikloko lehen filako ezkerraldera mugitu dute, Quim Torra Generalitateko presidentearekin batera. Modu honetan, lazoa ez da Ciudadanoseko aulkien aurrean egongo, eskuinaldean izanik.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.