David Bonvehi PDeCATeko presidente izendatu dute bozen % 65ekin
David Bonvehi PDeCATeko presidente izendatu dute, alderdi horretako Batzar Nazionalean bozen % 65,27 eskuratuta. David Torrentsen hautagaitzak botoen % 28,9 lortu ditu.
Igande goiz honetan aurkeztu ditu Bonvehik bere hautagaitza osatuko duten 29 izenak: bera presidente moduan, eta Miriam Nogueras presidenteorde gisa, besteak beste.
Bere hautagaitzak Carles Puigdemont Kataluniako presidente ohiaren babesa izan du, eta alor kritikoaren garrantzia arintzea lortu du, izan ere, ez ditu zuzendaritzan sartu Miquel Buch eta Damia Calvet kontseilariak. Gainera, Pascalen laguntzaile anitz sartu ditu taldean.
Bestalde, Carles Puigdemontek sustatutako Crida Nacional per la Republica proiektuan PDeCAT integratzea da azken helburua eta horretaz, hain justu, arduratuko da PDeCATeko batzorde ordezkaria. Batzorde hori osatuko dute espetxean dauden hiru kontseilari ohiek (Jordi Turullek, Josep Rullek eta Joquim Fornek) eta Belgikan dagoen Lluis Puig Kultura kontseilari ohiak, erabaki hori bozen % 93,9k babestu ostean.
Puigdemonten mezua
Carles Puigdemont PDeCATeko Batzorde Nazionalean ere izan da. Alemanian grabatutako bideo baten bidez parte hartu du batzarraren itxiera-ekitaldian, eta Crida Nacional proiektuarekin bat egitera deitu du. "Tokatzen zitzaiguna eta jende guztiak espero zuena egin dugu", azpimarratu du.
Zentzu berean mintzatu da Quim Torra Kataluniako Generalitateko presidentea. PDeCATeko Batzorde Nazionalaren itxiera-ekitaldian ere hitz egin du Torrak. Crida Nacional proiektua babestera animatu du, eta Puigdemonti buruz esan du "zeharkako buruzagitza" ordezkatzen duela. Torraren iritzian, horren proiektuarekin bat egiteak "aukera" dakar Kataluniako independentzia lortzeko.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.