Complutensek Pablo Casadoren ikasketaren gaineko espedientea artxibatu du
Madrileko Complutense Unibertsistateko (UCM) Zerbitzuen Ikuskaritza taldeak Pablo Casado PPren presidente berriaren Zuzenbide ikasketari buruzko espedientea (Cardenal Cisneros Zentroan egin zuen, baina Complutensera adskribatuta dago) artxibatzea erabaki du, irregulartasunik topatu ez duela argudiatuta.
Hala baieztatu du unibertsitateak ohar baten bidez. Horretan, baina, Cardenal Cisneros zentroari "beharrezko neurriak" hartzea eskatu dio, ikasle batek urtebetean ohi baino ikasgai gehiago gainditzen baditu antzemateko. Pablo Casadok 2007an lortu zuen Zuzenbide titulua, lau hilabetetan ikasketen 25 ikasgaietatik 12 gainditu ostean.
UDMren oharrean diotenez, ez dute inolako espedienterik abiaraziko, gai horrekin lotuta. Txostenean, aldiz, jaso dute Alberto Perez de Vargas Cardenal Cisnerosen Zentroko zuzendariak "jarraibideak" jaso zituztela onartu duela, baina ziurtatu du horiek ez dutela notetan eraginik izan.
Maiatzean, Casadoren ikasketei buruzko informazioa eskatu behar zuela iragarri zuen Complutensek eta, irregulartasunik antzemanez gero, irmotasunez jokatuko zuela. El Mundo egunkariak orduan publikatutako informazioaren arabera, Casadok Zuzenbide ikasketetako 25 ikasgaietatik 12 lau hilabetetan gainditu zituen, zentroan "erraztasunak" emanda, diputatu izendatu eta gutxira.
Cardenal Cisnerosek tratu berezirik eman edo azterketarik egin gabe ikasgaiak gainditu izana ukatu zuen.
Bere aldetik, Pablo Casadok behin baino gehiagotan esan zuen bere espedientean ez dagoela "inolako irregulartasunik", eta unibertsitateko titulua lortzeko moduari buruz argitaratutako albisteak " froga barik egindako difamazio anonimoak" direla esan zuen.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.