'Santi Potrosi' omenaldirik egiten ez uztea eskatu dio Casadok Espainiako Gobernuari
Santiago Arrospide Sarasola, Santi Potros, ETAko preso ohia omentzeko ekitaldirik egin ez dadin "adi egoteko" eskatu dio Pablo Casado PPko presidenteak Espainiako Gobernuari gaur Gasteizen. 31 urte egon da kartzelan, 40 hilketa egotzita.
Gasteizen egindako ekitaldi batean helarazi du mezua PPko presidenteak. Dozenaka pertsonak txistuka hartu dute eta "terrorista" deitu diote. Horrez gain, Zuzenbide Autonomikoari buruzko masterrean iruzurra egin izana leporatu diote.
Protesten aurrean, "gutxiengo erradikala" ordezkatzen dutenen aurrean, "bizikidetza eta adiskidetasuna berreskuratu" behar dela esan du PPko buruzagiak. "Euskadin espainiarrei interesatzen zaizkien gauzez hitz egiteko aukerarik ez izatea nahi dute", gaineratu du.
Alfonso Alonso Euskadiko PPren presidentea Casadorekin egon da Gasteizen, beste hainbat arduradun popularrekin batera. Gizartea askatasunean, segurtasunean eta inolako presiorik edo irainik gabe eraikitzeko beharra nabarmendu du Pablo Casadok.
'Santi Potros' ETAko preso ohiari buruz ere hitz egin du; izan ere, gaur atera da espetxetik, 31 urte preso egon ostean. Espainiako Gobernuari "arretaz ibiltzea" eskatu dio, "omenaldiak" saihesteko.
Presoen gerturatzea
Bestalde, terrorismoaren hainbat biktimak PPri euren izenean ez hitz egiteko eskariari erantzun dio Casadok. Gainerako presoekin gertatzen den moduan, ETAko presoek zigorra haien jaioterrietatik hurbil dauden espetxeetan betetzearen alde agertu dira.
Alderdi Popularreko presidentearen esanetan, "PPk ez du terrorismoaren biktimen izenean hitz egiten", adierazi ondoren, "erabateko errespetua" agertu die, eta "PPk ez du presoen hurbilketarik onartuko", gaineratu du.
"Ez dago polizia gehiegikeriarik"
Halaber, polizia gehiegikerien euskal legearen konstituzionaltasunik ezaren kontrako helegitea kritikatu du. Casadoren iritziz, "Espainian ez da polizia gehiegikeriarik izan", eta Estatuko Segurtasun Indarretako kide asko ETAk hil dituela gogoratu du.
Alonso, "ezinbestekoa"
Euskadiko PP "funtsezkoa" dela azpimarratu du popularren presidenteak, eta Alonso "bere laguna" dela. Orain arte izan duen ibilbideagatik "miretsi" egiten duela esan du Casadok.
Alonso, bere aldetik, "harro" agertu da Casado Gasteizera etorri delako. Bisita eskertzeaz gain, "zorte ona" opa dio Espainiako Gobernuko hurrengo presidentea izateko.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.