Torra: 'Kataluniak ez du poliziarik behar, azpiegitura-kilometro gehiago baizik'
Quim Torra Generalitateko presidenteak larunbat honetan adierazi duenez, Kataluniak "ez du behar polizia gehiagorik, azpiegitura-kilometro gehiago baizik". Gainera, Espainiako Gobernuari leporatu dio "erabateko utzikeria eta nagikeria", 1978az geroztik ez duelako Renfeko aldirietako kilometro berririk abian jarri. Torraren hitzetan, "urriaren 1ean bozkatutako azken helmugara heltzeko trena hartzeko arrazoi sendoak daude".
Diadaren harira, segurtasuna bermatzeko asmoz, Espainiako Gobernuak Kataluniara bidalitako istiluen kontrako poliziei egin die aipamena Torrak, Bartzelonako metroaren Hegoaldeko 10. linearen inaugurazioan, hain zuzen ere. Marina auzora doan linea hori urteetako atzerapenarekin dator, eta auzokideek hamarkadak daramatzate hura aldarrikatzen.
Espainiako Gobernuaren "utzikeriaren aurrean", Torrak esan du Kataluniako Gobernuak konpromiso "sendoa" duela mugikortasunarekin, eta azpimarratu du bi urte eta erdian Generalitateak 3.800 milioi euro inbertitu duela garraio publikoan, Hegoaldeko L9an, eta Terrasako eta Sabadelleko Ferrocarrilsen luzapenean bereziki.
Torrak azaldu duenez, Generalitateak trenbide-sarearen 30 kilometro baino gehiago eraiki ditu, metroan eta Ferrocarrilsean; Espainiako Estatuak, ordea, 1978az geroztik ez du Renfeko aldirietako kilometro bat ere abian jarri.
Torraren aburuz, Generalitateak zuen finantziazio falta "arazo estrukturala eta historikoa da", eta "subiranotasun osoko esparru politikorako bidea egiteko argudiorik garrantzitsuenetarikoa da".
Albiste gehiago politika
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetza, Kanpo Ekintza eta Euskara kontseilari Ana Ollo buru izan da Ignacio Francisco Canedaren gorpuzkiak senitartekoei emateko ekitaldian. AEBetan jaiotako anarkista gazte hau, Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik preso zegoen bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".