Altsasuko bizilagunek herria 'bakean uzteko' eskatu dute
Milaka pertsonak Altsasu "bakean uzteko" eskatu dute Nafarroako herri horretan, iganderako Ciudadanosen plataforma batek antolatutako ekimenari erantzunez.
Martxa isiltasunean egin dute gehienbat. Zenbait momentutan manifestazioaren leloa izan den “Utzi Altsasu bakean” eta “alde hemendik” oihukatu dituzte.
Igandean, Ciudadanosen plataforma batek ekitaldi politikoa egingo du Altsasun Guardia Zibilari babesa adierazteko. Alderdi horretako presidente Albert Riverak hitza hartuko du, eta PP eta Voxen buruzagiak ere izango dira bertan.
Manifestazioa bukatuta, Foruen plazan, bi bizilagunek manifestua irakurri dute. Ciudadanoseko plataformaren ekitaldia "beste irain bat da, erasoez betetako bide honetan beste urrats bat", baina oraingoan "ankerkeriarekin", "interes ilunekin eta faxismoa gogorarazten duen praktika baten bidez".
"Herri oso baten sufrimendua euren hauteskunde lehiarako erabiltzen saiatzen ari dira", esan dute, eta Altsasu "eskubide eta askatasunen ukazioren sinbolo" bihurtu nahi dutela salatu dute.
Zentzu horretan, hurrengoa nabarmendu dute: "Ez dugu euren joko makabroan eroriko. Badakigu zer nahi duten, eta errealitatea manipulatzeko aukerarik eman gabe erantzungo diegu”. Esan dutenez, “euren interes politiko eta pertsonala asetzeko gatazka eragin nahi dute". Horregatik, "ez dira gure herrian ongi etorriak, ez ditugu hemendik ikusi nahi".
Jaso duten "elkartasun olatua" eskertu dute, eta "momentu zailetan batzeko erakusten ari garen gaitasunaz" harro agertu dira, "pairatzen ari garen erasoei erantzuteko, jasaten ari garen bidegabekeriaren aurrean zutik jarraitzeko". "Azken urteetan min egin digute” eta "herriaren irudi distortsionatua eman dute", kritikatu dutenez, eta "gezur, irain eta probokazio horiekin nekatuta" daudela esan dute.
"Min handiena ematen diguna gure kaleetatik zazpi gazte kendu dizkigutela da, eta bere familiak, lagunak eta herri oso bat sufriarazi dituztela", esan dute. "Justizia eta gazte horiek etxera itzultzea eskatzen duten ahotsak isilarazteko egiten dute hori", gehitu dute.
Beste ekitaldiak igandean
Igandean, 'Askatasun eta Eskubideen Gunea' antolatuko dute Iortia plazan, 10:00etatik aurrera. "Erasoa salatu eta Altasasuko herriari elkartasuna adierazi nahi duten guztiei" luzatu diete bertara joateko gonbita.
Halaber, Ciudadanosen ekitaldira etorritakoak joaten direnean, "jai-giroa herri guztira" zabalduko dutela zehaztu dute.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.