Solanak bizkartzaina darama 'mezu faxistak' jaso ondoren
Skolae hezkuntza programaren aurkako “material pornografikoa” jaso dutela salatu du Nafarroako Gobernuaren Hezkuntza Kontseilaritzak Foruzaingoaren aurrean. Igorlea faltsutu omen dute, zentro publiko bat ordezkatuz.
eldirarionorte.es webguneak aurreratutako informazioa baieztatu du Kontseilaritzak. Berdintasun arloari bidalitako gutun batean “material pornografikoa” jaso zuten. Skolae programaren aurkako “eraso” bat bezala ulertzen du Foru Exekutiboak. Gutuna ez zen Correosetik pasa, eta zuzenean, bertan utzi zuten.
Kontseilaritzaren hitzetan, Skolae programaren xedea “berdintasunean irakastea” da. Hala ere, polemika handia piztu du esparru batzuetan. Isabel Celaa Hezkuntza ministroak galdera bat erantzun behar izan zuen Senatuan. Mota horretako ekimenak “ezinbestekoa” direla azpimarratu zuen ministroak erantzunean.
Irudi pornografikoengatik salaketa aurkeztu zuen Kontseilaritzak Foruzaingoaren aurrean. Iragan ekainean beste bat jarri zuten, Solanaren bulegoan hiru aldiz sartu ondoren. “Mezu faxistak” utzi zituzten erasotzaileek. “Jazarpena” salatu zuten orduan.
Orduz geroztik, Maria Solana Hezkuntza kontseilariak bizkartzaina darama segurtasunagatik.
“Kontseilari baten bulegoan indarrez sartu eta mezu politikoak modu horretan uztea ez da onargarria; kritika politikoa egin daiteke, baina ez era horretan”, salatu du Kontseilaritzak. “Mehatxuak eta bortxa izan ala ez” Skolae programarekin aurrera jarraituko dutela berresi du Nafarroako Gobernuak, “emakume eta gizonen arteko berdintasuna lantzeko” helburua duelako.
Kontseilariak ez du adierazpenik egin, baina Twitter sare sozialean jasotako babesa eskertu du: “Eskerrik asko elkartasunagatik. Hezkuntzan kalitatea, berdintasuna eta eleaniztasuna lortzeko lanean jarraitzeko sendo dago taldea”.
Bestalde, Uharten, aniztasunaren aldeko horma-irudi batek jasan duen erasoa deitoratu du kontseilariak sare sozialean: “Aniztasunaren, askatasunaren eta Skolaek ordezkatzen duen guztiaren kontrako eraso onartezina. Oso tristea”.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.