Konstituzionalak tramitera onartu du Otegiren inhabilitazioari jarritako helegitea
Bateragune kasuaren epaia dela eta, Arnaldo Otegi inhabilitatuta dago sufragio pasiborako, 2021eko otsailaren amaierara arte arte, baina Euskal Telebistak jakin ahal izan duenez, Auzitegi Konstituzionalak tramitera onartu du erabaki horren kontra jarritako helegitea.
Helegite hori aurrera aterako balitz, EAEko lehendakaritarako hauteskundeetara aurkeztu ahal izango luke Otegik.
Bateragune auzia eta inhabilitazioaren nondik norakoak
Sei urte eta erdiko espetxealdia eta sufragio pasiborako inhabilitazioa ezarri zizkioten Arnaldo Otegiri Bateragune Auziko epaian, "ETAko kidea izatea" leporatuta.
Kartzelaldia beteta, 2016ko martxoan atera zen Logroñoko espetxetik. Eusko Legebiltzarrerako hauteskundeetara aurkezten ahalegindu zen, baina atzera bota zuten bere hautagaitza, 2021 urtera arte inhabilitatuta zegoela argudiatuz.
Otegiren defentsak, Iñigo Iruin abokatuak, alegia, helegitea jarri zuen: espetxean igarotako urteekin bukatzen zela inhabilitazio zigorra ulertzen zuten, baina Auzitegi Konstituzionalak atzera bota zuen helegite hura.
Orain dela 14 hilabete beste helegite bat aurkeztu zuten eta hori onartu egin du orain Auzitegi berberak.
Ez dago Konstituzionalak helegitearen inguruko ebazpena emateko eperik, baina Batasuneko bozeramaile ohiaren defentsa baikor dago. Otegik ez zuela epaiketa justurik izan aitortzen duen Estrasburgoko Giza Eskubideen Auzitegiaren sententziaren ondoren, Konstituzionalak bide beretik joko duela uste dute.
Inhabilitazioa garaiz altxatuko baliote, Arnaldo Otegi hautagai izan ahalko litzateke bi urte barru egingo diren hauteskunde autonomikoetan.
Albiste gehiago politika
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan eragiteko.
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".