'Demokrazia Bai'k eskumen guztiak aitortuko dituen estatus politikoa aldarrikatu du
'Demokrazia Bai' plataformak Euskal Herriari botere guztia aitortuko dion estatus politiko berria aldarrikatu du. Joan den apirilaren 13an egin zuen bere aurkezpen ofiziala eta gaur, Donostian, agerraldia egin dute beren proposamen politikoaren xehetasunak azaltzeko.
Manifestu hori esparru ezberdinetako 90 pertsona ezagunek sinatu dutela jakinarazi dute. Ekitaldian, besteak beste, ondoko hauek izan dira: Juan Jose Ibarretxe lehendakaria, Rafa Diez Usabiaga eta Ainhoa Etxaide LABeko idazkari nagusi ohiak, Itziar Aizpurua ezker abertzaleko buruzagi historikoa, Xabier Ezeizabarrena EAJren batzarkidea, Javier Madrazo Ezker Batuko buruzagi ohia eta Jesus Mari Zamora futbol jokalari ohia.
Carlos Garaikoetxea lehendakaria ezin izan da bertan izan, baina mezu bat igorri du bideo bidez. Quim Torra Kataluniako Gobernuko presidentearen mezua ere jarri dute ekitaldian.
"Norbere buruari inolako mugarik gabe aurrea egiteko" deia egin dio Torrak Euskal Herrari. "Estatu espainiarraren inboluzio antidemokratikoaren eta eskuin muturraren hazkundearen aurrean, euskal gizarteak erabakitzeko eskubidearen aldeko estrategia transbertsala abian jartzeko aukera baliatu behar du; eskubideak izateko eskubidea duzue, eta bide horretan gehiengo soziala eta instituzionala lor dezakezue", azpimarratu du Torrak.
Bestalde, Xabier Oleaga 'Demokrazia Bai' plataformaren bozeramaileak jakinarazi du estatus politiko berriaren aldeko atxikimenduak bilatzeko kanpaina jarriko dutela abian datozen asteetan. Helburua mila pertsona ezagunen babesa lortzea izango da, eta otsailean "ekitaldi jendetsua" egingo dute.
Estatus politiko berriaren aldeko manifestuan, Euskal Herria nazioa dela eta, ondorioz, eskumen eta botere guztiak euskal herritarren eskura egon behar direla defendatzen da. Herri eredu propioa sortzea aldarrikatzen du, aberastasuna banatzeko, genero berdintasuna bermatzeko, euskara aitortzeko eta sistema judizial propioa eta unibertsitate propioa eraikitzeko.
Halaber, estatus politiko horrek erabakitzeko eskubidea aitortu behar duela azpimarratzen dute. "Galdeketak eta erreferendumak antolatzeko eskumen guztia izan behar dute euskal erakundeek", diote manifestuan.
Estatu espainiarrarekiko harremanari dagokionez, "aldaketa sakona" eskatzen dute, eta horretarako Espainiaren lurralde antolaketa aldatu egin behar dela uste dute, "Estatu plurinazionala bilakatuz, federala edo konfederala".
Bestalde, EAJk eta EH Bilduk Eusko Legebiltzarreko Autogobernu Lantaldeak adostutako oinarriak eta Nafarroako Gobernuak egindako aldarrikapenak positibotzat jo dituzte. "Atxikimenduak biltzeko garai da, eduki horiek gauzatu ahal izateko", nabarmendu dute.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.