Amaya Fernandez: 'Estatutuak dioena ez da EAJk interpretatzen duena'
Euskadiri eskuduntza gehiago ez emateko PPk Senatuan aurkeztutako mozioa babestu du gaur Amaya Fernandez Euskadiko Alderdi Popularreko idazkari nagusi eta Bizkaiko ahaldun nagusirako hautagaiak. Radio Euskadin egin dioten elkarrizketa batean azaldu duenez, "guk autogobernua defendatu dugu historikoki, baina Gernikako Estatutuak dioena ez da EAJk interpretatzen duena. Jeltzaleak ez dira Estatutua interpretatu dezaketen bakarrak". Hala, Gernikako Estatutua "behera bota" nahi izatea egotzi dio EAJri, estatutu berrian erabakitzeko eskubidea sartu nahi dutelako. Jaurlaritzari aurre-kanpaina egitea leporatu dio, gainera.
Fernandezen hitzetan, "Estatutuaren interpretazio nazionalista da esatea Euskadiri dagozkiola portuak eta aireportuak kudeatzea". PPko buruzagiaren ustez, PSE-EE "EAJren soinuan ari da dantzan": Jaurlaritzak egindako "itxurazko txosten" hori onartzeko "konpartsa" lanetan dabiltza sozialistak. Fernandezek nabarmendu duenez, "eskumenak Auzitegi Konstituzionalak ezarritako mugak kontuan hartuta transferitu behar dira".
PP Espainiako Gobernura itzultzekotan gerta daitekeenaz galdetuta, Fernandezek esan du "Pablo Casadok autonomien Estatuan, autogobernuan eta Euskadiren berezitasunean sinesten duela. Eskumenak legearen arabera transferituko dira. Horretarako leialtasuna behar da, bi aldeetatik. Bildurekin adostea Gernikako Estatutua behera botatzea ez da onargarria, kontuan hartuta helburu sezesionista dutela". Fernandezen iritzian, estrategia hori Osakidetzako eskandalua "estaltzeko" da.
Gizarte gaiak hizpide, PPko Euskadiko buruak atzerriko adingabeen zentroak itxi behar direla azpimarratu du. "Adin txikikoekin trafikatzen duten mafien jomuga bihurtu da Bizkaia. EAJren politikek erakarri egin dituzte. Bizkaitarren elkartasunak mugak ditu, dirua beste gauza batzuetarako behar dugu, esaterako, metroa handitzeko", azaldu du.
Auzi horren irtenbideaz itaunduta, Fernandezek proposatu du adingabeak Kantabriara, Errioxara eta Aragoira bidaltzea. "Denborak arrazoia emango digu", erantsi du.
_______________
Jatorrizko informazioa Radio Euskadik landu eta eitb.eus-ek itzuli du.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.