EAEri eskumen gehiago ez transferitzeko eskatu dio Senatuak Espainiako Gobernuari
Pedro Sanchezen Gobernuari Gernikako Estatutuan bildutako eta negoziatzen ari diren eskumenak Eusko Jaurlaritzari ez transferitzeko eskatu dio Espainiako Senatuak. PPren proposamena izan da Senatuak onartutakoa. PSOE, Podemos, PDeCat, EH Bildu, Talde Nazionalista eta Coalicion Canaria taldeen kontrako botoak (90) izan ditu; alde bozkatu dute PPk, UPNk, Foro Asturiasek eta Ciudadanosek (140 boto, gehiengo osoa).
Mozioak Sanchezi "abertzaleen aldarrikapenei" kasu ez egiteko eskatzen dio. "Lurralde kohesioa defendatzen duen eta soilik abertzaleen aldarrikapenei kasu egiten ez dien Gobernua behar da", dio testuak.
Proposamena aurkeztu duen Esther del Brio PPko senatariak esan duenez, "Moncloako presidente okupak eta kamikazeak" ezin dio "ezein autonomia erkidegori 30 eskumenetik gora oparitu". Madrilgo Colon plazan manifestatu zirenetako edozeinek "berak baino Estatu zentzu handiagoa" zuela esan du.
Senatariak azpimarratu duenez, kontzesioak ez dira bidea, berdintasun arazoak sortzen dituztelako, merkatuaren batasunari kalte ekiten diotelako eta diskriminazio arazoak sortzen dituztelako. "Presidente batek ezin ditu espainiarren aukera berdintasunarekin apurtzen duten kontzesioak egin", gehitu du.
EAJ: "Popularrek gizartea nahastu nahi dute"
EAJko senatari Jose Maria Cazalisek Iñaki Oyarzabal PPko senatari arabarra ez egotea deitoratu du. Izan ere, mozio horrek hauteskundeetan eragina izango duela uste du EAJko senatariak. Gainera, talde popularraren benetako asmoa "Euskal Herria hauteskunde asmo faltsuekin erabiltzea" dela esan du.
"40 urte igaro dira Gernikako Estatua bete gabe, betetzen ez dela jakinda ez da betetzen, eta zuek gizartea nahastu nahi duzue. Espetxe politikaz hitz egiten dute, hori negoziazio mahaian ez dagoenean", esan du, espetxeetako kudeaketari erreferentzia eginez.
Gainera, proposamena "EAEri egindako 155 iraunkortzat" hartu du, eta gehitu du "PPren eta Ciudadanosen zorakeriaren" emaitza dela, "Espainiako ereserkia jotzen dutenean nor baino nor tenteago" daudelako biak.
Podemos: "PPk lurralde gatazkak bilatzen ditu ez dauden tokian"
Pilar Garrido Podemoseko senatari gipuzkoarra mozioa osoko bilkurara heltzea deitoratu du, "erakundeari ospea kentzen diolako, eta Konstituzioa ez betetzea eskatzen duelako". Bere ustez, PPk "lurralde gatazkak bilatzen ditu ez dauden tokian" arrazoi elektoralistengatik.
EH Bildu: "PPk mozorroa kendu du"
EH Bilduko Jon Iñarrituk PPri aurpegiratu dio urtero Gernikako Estatutua ospatzea, 39 urtean ez dituztenean eskumen guztiak transferitu, eta PPko senatariari mozioa ekartzea eskertu dio, bere alderdiaren jarrera "argitzen" duelako: "lege organiko bat ez betetzea eskatzen du, eta Estatutua araututako bide baten bidez aldatzea".
Iñarriturentzat, proposamena "Konstituzioaren aurkakoa, legearen kontrakoa eta antidemokratikoa" da, eta aurpegira bota die PPri Voxekin lehian dabilela. "Berdintasuna uniformetasunarekin nahasten dute, Konstituzio Auzitegiaren epaien kontra eginez", gogoratu die.
Zentzu horretan, "supremazismo hispanozentrikoa" erabiltzea leporatu die, proposamen "ultranazionalistekin", eta PPk "mozorroa kendu" duela esan du, eta "orain dela 40 urte pentsatzen dutena" pentsatzen dutela erakusten duela.
PDeCateko Josep Luis Cleriesek, bestalde, PPri gogoratu dio Gernikako Estatutua bete egin behar dela.
PSOE: "Negoziaketek aurrera jarraituko dute"
Antonio Rodriguez PSOEko senataria harrituta agertu da, proposamena "ez doalako bat Euskadiko PPko jarrerarekin", eta galdetu du gauza bera egingo duten Galizian edo Gaztela eta Leonen. Gainera, esan du PPk "Autonomien estatua apurtu nahi dutenen parean" jarri nahi duela.
Esan duenez, Sanchezek eta Iñigo Urkullu lehendakariak abiatutako negoziaketa mahaiak aurrera jarraituko du "apirilaren 28ra arte".
Taldeen erantzunak entzun ondoren, PPko senatariak EH Bilduk eta PPk "Estatutua eta Konstituzioa gainditzeko interesak" dituztela esan du, eta PP aukera berdintasunarekin eta Zuzenbide Estatuaren garapenarekin egongo dela.
Gainera, mozioa "Euskal Herriarenganako maitasun eta errespetu osoz" defendatu duela, eta EAJri galdetu dio "euskal presorik duen bere alderdian", eskumenen transferentziei buruz hitz egiten denean "espetxeak transferitzeaz" hitz egiten da. "Presoak Euskal Herrian eta inguruetan biltzen ari garenean, talde terrorista bati aire emateaz ari gara", esan du, eta gehitu du "ETAko presoekin" ez dela negoziatu behar.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.