Miquel Iceta senatari izendatzearen aurka egitea erabaki dute ERCk eta JxCatek
Miquel Iceta PCSko buruzagia senatari autonomiko izendatzeko bozketan kontrako botoa ematea erabaki dute azkenean ERC taldekoek. PSOEk Kataluniako erakundeei aurkeztutako "errespetu faltagatik ezetz esan dutela" esan du Sergi Sabria ERC taldeko presidenteak Kataluniako Parlamentuan. Era berean, arratsaldean, bere taldeak kontrako botoa emango duela baieztatu du Albert Batet JxCateko bozeramaileak, sozialistek Parlamenta "gutxietsi" dutelako. Iceta Senatuko presidente izango zela aurreratu dute, senatari izendatu baino lehen, erantsi duenez.
Sabriaren esanetan, "ezezkoa saihetsezina" zen, "hedabideen bitartez" jakin baitzuten Sanchezek Senatuko presidente izateko Iceta proposatu zuela, aurretik Kataluniako Parlamentuak senatari izendatu behar duela kontuan hartu barik.
Errepublikanoen ustez, "inork ezin die adeitasun parlamentarioaz" hitz egin, "espetxean edo erbestean politikoak daudenean".
Oriol Junquerasen gertukoek atzo aztertu zuten gaia, eta gaur talde parlamentarioaren baitan eztabaidatu dute. Bihar egingo dute bozketa, Kataluniako Parlamentuan.
ERCren erabakiak Icetaren asmoak zapuztuko lituzke. Ganberak senatari autonomiko izendatzea errefusatuko balu, Iceta ezingo litzateke Senatuko presidente izan, Pedro Sanchez Espainiako jarduneko presidenteak nahi bezala.
CUPek atzo iragarri zuen Iceta izendatzearen aurka egingo zuela, eta JxCatek ere beste hainbeste egingo duela zabaldu da. Alderdi errepublikanoaren ezezkoa baieztatuta, kontrako 65 boto izango dira eta aldeko beste horrenbeste —PSC, En Comu, PP eta Cs alderdiena—. Parlamentuaren araudiaren arabera, berdinketa egonez gero, proposamena baztertuta geratuko litzateke hirugarren bozketan.
Konstituzionalera joko duela iragarri du Icetak
Miquel Icetak berak atzo aitortu zuenez, badaki zail duela izendatzea, baina argi utzi zuen ez zuela talde independentistekin ezertxo ere negoziatuko, senatariak izendatzea kortesia parlamentarioz egin beharreko zerbait dela ulertuta.
Horren hitzetan, Kataluniako Parlamentuak betoa jartzen badio, Auzitegi Konstituzionalean helegitea aurkeztuko du, bere eskubideak urratzen ari direla iritzita.
Kataluniako Parlamentuan inoiz ez da kontrako emaitzarik atera halako bozketa batean. Icetari betoa jarriz gero, lehendabizikoa litzateke.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.